小娜執媽的部落格

應一位blogger o既問題﹐到底媽咪點樣PUSH先可以避過"被剪"或者裂傷要縫針一劫呢?

做過人媽媽o既Blogger一定有呢種感覺﹐當護士同你講"太太﹐你開到十度﹐可以準備Push BB 出黎啦" 你第一個感覺就係發達啦﹐終於可以解脫啦﹐仲唔拿拿臨push BB出黎!!呢一刻的確係產婦最難concentrate o既時候﹐一來好痛好痛(如果你無打epidural)﹐ 二來好緊張就黎可以同BB見面啦!護士講咩鬼野都未必聽得入耳啦!!(醫生講有時仲好少少﹐可能醫生有威嚴d) 於是有d媽咪唔理3721就turbo力o甘推BB出黎﹐結果造成會陰裂傷得好勁﹐要縫針之餘﹐去廁所以又驚整到傷口﹐就住就住唔敢去! 如果打左無痛或者本身無咩力水o既媽媽因為用錯方法﹐結果推極都唔出﹐推左一兩個鐘之成個人散哂(唔好忘記已經幾耐無飲過水同食野)﹐更加無力啦﹐於是變左開刀!

因為pushing方法唔o岩﹐到最後要開刀o既係最唔抵架﹐有時可能已經推到下面腫哂﹐最後都要捱呢一刀!!所以我極力推介媽媽們可以o既話去上Lamaze class﹐佢會教大家點用正確o既呼吸方法同埋pushing o既technique﹐等大家有個預算﹐知道點Push﹐就唔駛用錯力﹐浪費體力!!

多數o既媽咪都有一個問題﹐就係pushing o既時候push左d力去塊面度﹐爸爸如果會陪產應該會見到媽咪塊面紅哂成個關公o甘啦!其實BB就黎要出世時﹐媽咪會有種極度急臭o既感覺﹐因為BB已經入左產道﹐壓住你條大腸﹐令你有便意!!唔駛擔心會唔小心一路大一路推﹐因為如果你係有臭臭響肛門附近﹐你一推﹐點都無得避!!我地亦見唔少﹐所以唔駛怕醜!!護士應該會幫你清一清!!其實pushing o既感覺正正就係去開大o既o個種力﹐幻想自己十幾日無去大﹐便秘就好緊要﹐就係呢種感覺啦!!

有時候我地會教D媽咪響子宮收縮黎料時先深呼吸一下﹐然後閉氣開始pushing起碼10秒﹐跟住好快又吸啖大氣又push多10秒如事者連續3次﹐之後休息等下個子宮收縮!

另外推o既時候可以用手攬住自己大比後側﹐o甘樣會幫助骨盤打開﹐比多D位BB出黎!!下巴要貼住胸前﹐成個人好似隻蝦o甘蜷埋就係最好o既position啦!

PUSHING DON'Tsss

Pushing時最唔可以做o既野係大叫﹐因為你一出聲﹐D力就去左聲音度﹐完全去唔到下盤!雖然我知係好難﹐因為太痛﹐不過都要堅持!!另外推o既時候要一氣呵成﹐唔可以推三四秒又停一停吸氣﹐o甘樣BB只會停滯不前!!以我經驗﹐通常好力o既媽咪推到四秒打後BB就會被推向前﹐如果唔好力o既媽咪就要到第7第8秒BB先郁﹐所以如果你中途吸氣﹐BB根本未推得郁就停左﹐o甘就浪費力水啦!

其實我地o個身體係好奇妙o既﹐生BB時會陰會變得超有彈性﹐只要pushing o既投巧handle得好﹐唔駛切唔駛裂都得!!當然如果你o個B係超大o既巨B除外啦﹐大過你身體可以負荷o既﹐都係等醫生幫幫手剪開少少﹐或者用吸盤(Suction)吸出黎啦!