小娜執媽的部落格

終於終於都重回我個blog仔!!呢兩個月係我人生最忙又最開心o既日子!!一直都無時間update﹐真係覺得自己好懶(as always)!! 而家終於咩都攪掂哂﹐可以響人日Update返我呢兩個月o既美好回憶!!!!

2009年開始﹐我o既人生upgrade左去另一個stage~ 我去左嫁人!!! 響一個熱哄哄o既香港完成左我地o既人生大事!!! 我而家係人地老婆﹐人地個新抱﹐仲突然多左一堆親戚!!生活上其實無咩大轉變﹐只係會"唔慣地"叫"老公"(因為拍拖以來從未o甘樣稱呼過對方)我相信我 o既另一半都唔係好慣!! 我會強行地叫自己起身煮早餐比老公食!(仍然未能每日成功)響發脾氣之前我亦會再三思﹐大家對住成世﹐成日發脾氣對大家都唔好﹐我覺得我控制左40%~ 雖然拍左拖6年﹐但係結左婚始終感覺都同以前拍拖唔一樣!!我覺得自己EQ高左DD~~哈哈~

今個月開始我將會離開我畢業以後一直過住o既"夜生活" ﹐唔駛再返夜班啦!!終於可以做返個正常人!!日頭返工﹐夜晚o訓覺!!呢個決定除左為左我老公可以多幾個晚上有人陪o訓之外﹐亦係為左自己身體著想!! 自從我膽粗粗做兩份工﹐做足日夜更差唔多半年﹐響想挑戰自己捱苦程度﹐以為自己好捱得但係身體終於投訢!!攪到個心亂跳一通﹐皮膚日差﹐仲大穫地多左一條 眼紋!!!我唔敢啦!!!難得有日班做﹐雖然工作量比夜晚多好多﹐辛苦好多﹐不過長遠計﹐長期捱夜命仔都短幾年!!自己身體唔爭氣無得做女強人﹐唯有做老 公背後o既小女人(正在學習中)!!

今日人日﹐大家生日快樂!!牛年開開心心!!

我o既新年願望係希望今年可以聽到我老公彈返琴~~(彈琴o既男人真係好有味道架!!)