小娜執媽的部落格

其實好少孕婦會響預產期當日作動生產o既﹐o甘點先為之足月B呢? 當懷孕超過37週(以預產期計)就算足月﹐過左42週就係超過產期﹐產期過左都有一定危險架﹐BB可能會太大﹐胎盤老化等等都對媽咪同BB唔好﹐所以大部 份醫生都會響過左產期之後建議孕婦催生!不過響美國﹐D醫生通常39週之後就叫你催生﹐過左40週就一定會催你生!

催生o既方法有幾種:一種用外用葯(Suppository) 塞入子宮頸外則﹐作用係用黎軟化子宮頸﹐從而令子宮頸開得快D﹐通常用於第一胎或者子宮頸過厚o既孕婦身上!塞入去之後葯效反應因人而異﹐有D 會引發子宮收縮﹐開始陣痛﹐有d就無咩反應﹐無regular o既子宮收縮﹐不過子宮頸會軟化!呢隻葯要內塞12個鐘﹐之後再轉比較強o既催生葯!

呢隻強D o既催生葯(pitocin)其實係一種荷爾蒙﹐作用係引起子宮收縮﹐從而令子宮頸張開﹐o甘BB就有位出世啦!一般會以最低劑量開始﹐之後慢慢加葯﹐直 至子宮收縮達到2-3分鐘一次﹐o甘就唔會再加啦!呢隻葯係直接打入IV(靜脈注射)﹐所以幾分鐘就開始有葯效~