記得對上一次自己一個人出門已經係2007年,原來已經係7年前啦! 仲以為今後都唔會自己一個人出門,因為就算唔帶仔女,都一定有老公陪! 今次因為媽媽有d 唔舒服,所以臨時決定返黎香港!!!

其實當初都有struggle到底返唔返黎,始終有兩個小朋友,驚老公攪唔掂!!!臨急請假又驚老細唔批! 但最主要都係唔捨得d 細佬,唔想離開佢地身邊! 雖然平時成日唸,如果可以一個人抖抖,靜下,唔駛每日一早起身湊仔就好啦!!但原來到你有機會時,你又唔捨得! 不過媽媽只得一個,我同妹妹都響國外生活,佢有事唔響佢身邊我已經過意唔去架啦!雖然佢口口聲聲叫我唔駛返去,話佢無事! 始終做左媽媽後更加能夠了解媽媽既心情! 一個人生病既時候,最需要最親既人響身邊支持!

見到媽媽後,得知佢情況樂觀,我都鬆左一口氣! 不過就有d 唔習慣一個人既生活! 以前返香港一定係一日24小時都唔夠用,每日都好似打仗甘,同親戚食返又要約朋友見面,帶住兩個小朋友又好難行街,每日行程都密密麻麻! 今次難得一個人,我先有機會放慢腳步,睇下我呢個而家變得陌生既成長地!!  好多野都變左,我好似唔多隔合呢邊既生活!! 昨日去街市買野整比媽媽,行一圈街市,發現原來香港買送都唔平得過悶蛋國!以前買舊豬肉10蚊雞夠一餐,而家可能要20蚊啦,攪到我都唔識買! 又原來我屋企附近個屋村廣場原來有好多野買,仲有舊式兒童遊樂場! 呢d 平時我返黎既時候,明明有經過都未必發現!

其實有時候可以放慢腳步,留心周圍,可以發現好多新事物! 我又發現而家大部份香港人既面上都好繃緊,好似成日都好緊張甘! 大家都少左笑容!! 我唸呢個已經再唔係我成長時期既香港lu,有d 可悲! 呢個本來我好熟悉既地方,已經慢慢變得好陌生!

    全站熱搜

    obsiuna 發表在 痞客邦 留言(2) 人氣()