小娜執媽的部落格

其實我好少追戲集，特別係日韓劇，因為要追字幕，真係要坐定定響電視機面前睇先得！對於我呢個part time working mom,  part time stay home mom 黎講，唔可以一路做家務一路睇，實在太奢侈啦！ 不過前排真係好奇於周遭人對星星嘅著迷，每日報紙又幾篇幾篇咁報道，終於開始睇第一集，但其實當時韓國已經播完大結局架啦！ 唔睇由自何，一睇到第三集就開始停唔到啦！ 我用左5日睇哂！ 睇完一樣患上都敏俊後群症，一思夜想，好掛住都敏俊Xi >~~<

打從初中後，好耐都無迷過偶像啦！！個種著迷法係不停上網揾有關佢嘅資料，會set 主題曲做手機鈴聲，會心思思想見佢(所以我已經翻煲左次星星)  ,我覺得自己變返個學生妹咁，如果佢黎悶蛋國我分分鐘會去接機個隻！！哈哈，人大左係咪會不自覺緬懷青春呢？

其實星星之所以令一眾妹妹仔甚至媽媽級人士大為著迷，完全因為都敏俊呢個角色有著好多女性渴求理想男人特質！ 雖然沉實不浪漫，但係背後細心體貼，會留意身邊人嘅情感需要，危險時更會憤不顧身去保護自己鍾意嘅女人！個種被强烈保護嘅感覺好難響現實中揾到！ 現實裡面莫講話保護，大難臨頭各自飛嘅大有人在！ 十分認同叻嘅男人不在於身家有幾多，而係在於佢會唔會保護到身邊嘅女人！

我好喜歡感性嘅男人，可能自己都係情感情豐富嘅人！一齊睇戲可以一齊喊，唔駛就住就住， 只可惜現實中，Natto 爸係實際型嘅人><另外其實我都好鍾意輝京架!! 試問世界上邊會有咁長情嘅人，仲要係有錢仔，比你一次又一次拒絕之後仍然留響你身9邊守護你架！！？？又係令人有所幻想。。。。。 因為現實唔會遇到，睇戲時就過份投入，以為真係有個都敏俊Xi !!

唉。。。中哂毒！！Natto 爸本來完全無興趣睇架，一來佢中文麻麻，追字幕對佢黎講有少少難度！但佢見我著哂魔，又比我講一講，話睇左可以了解女人想要d 咩。 於是我好樂意陪佢睇多次，從旁解釋劇情！ 到左10 集打後，佢已經係自己lunch time 追黎睇啦，連佢都話好睇！ 哈哈~ 

除左都敏俊吸引之外，其實全智賢都做得好好，有好多攪笑位！！ 同埋d 配樂都配得好好。。。。。。。係係係，我知我中毒太深！！！呢下比星星毒一毒，攪到我想去韓國tim!!