小娜執媽的部落格

你睇我個樣殘到哩!!一個人湊仔真係好辛苦!!!

由於差不多兩個幾禮拜無見過爸爸，Kori第一眼見返爸爸居然唔認得佢!!哈哈~~後來好快就相認返啦!!!爸爸掛死佢，係甘攬住錫!!

爸爸返黎，我終於唔駛再驚要一個人抬架B車啦!!

原諒我個BLOG 脫期得太過份!!唉~ 奶奶前排做左個手術，暫時唔可以幫我地湊仔，所以我地二對二，忙到一頭煙!!! 不過其實自從Kori出世後，有幾時係唔忙架!!? 我地兩個橕緊，希望過多兩年會好d!!

話說回來，講返我個情人節禮物先!!! 其實我無收到一份實質禮物，不過真係好開心，心好甜!!

其 實我一直好想同埋豆爸爸一齊返香港過年，一家齊齊整整同埋我真係驚自己攪唔掂兩隻野!! 不過因為豆爸爸新年期間要出trip，加上佢唔想將假期用響返香港，寧願去其他地方，因為佢其實麻麻地返香港，話人多車多野又貴哂!! 佢唔想，我都唔想勉強佢!!當我知道我呀娘新年唔響香港時，我真係一額汗，不過自己又任性，所以都係決定要一拖二返香港過年!!

我地兩公 婆每日都有whatsapp，話比對方聽今日做過咩，去左邊，兩隻野點甘!!豆爸爸既business trip大概五日左右，突然響佢出trip 啦屎兩日佢同我講佢公司有急事要派佢去巴黎同倫敦幾日!!我完全無為意，心唸，衰佬唔好到時溝件法國妹就得啦，我仲叫佢去巴黎買macaroon比我做手 信! 自從佢去左倫敦後，大家少左whatsapp，初時以為時差，但佢連平時去外地會post下d風景照上FB都無，我覺得好奇怪但無懷疑，只係有少少嬲佢無 哂聲氣，唔通真係識左個法國妹???!! 隔左好耐佢先whatsapp我一兩句，我都有比少少微言佢!! 之後有個朋友講左d野令我覺得我老公似乎有d plan想surprise我，但我唔肯定!!以為佢可能越洋送禮物比我，點都估唔到個驚喜原來係甘!!!!!!

有一日我約左親戚夜晚去九龍城食thai菜!!當日其實我係一拖二帶佢地出街，不過因為驚九龍城食飯會好迫，於是將Natto交左比佢姨婆湊一晚，我淨帶Kori去食飯!!
個日勁多人，我地又無訂位，於是就響條街等位!!當我同我d親戚吹緊水之際突然有個男人衝過黎錫左我一啖!!!!!!!!!!!我差d想星佢一巴掌之際，一睇原來係我老公!!!!

嘩!!!!大佬呀，駛唔駛甘驚喜呀!!!?? 呢下真係嚇到，因為完完全全係我意料次外!! 第一，我老公不嬲都係實際同理性既人，太浪漫既野佢唔會做，因為佢覺得唔實際!! 第二，我仲有兩日就返悶蛋國啦，點都唔會唸到佢專登飛黎兩日陪我地，太浪費!!

哈哈~~因為太開心關係，當晚我成餐飯都胃痛，完全唔知自己食過咩!!

原 來去倫敦同巴黎都係假既!!本來佢係想trip完之後直接飛返香港既，如果book到位，都有一個禮拜可以留響香港!!但因為book唔到位，要轉三程 機，去左法蘭克福，伊斯坦堡再飛首爾先飛到香港!! 中間佢都有出去各個地方睇睇，仲住左兩晚青年宿舍，過左幾日一個人在途既生活!!佢過有機會叫我幫佢寫返佢今次一人之旅既blog，佢話好特別好值得紀 念!!! 終於經過一整個地球，佢終於到左香港同我地團聚啦!!! 呢份情人節禮物真係我甘多年來收到既最好一份禮物!!!

豆爸爸返黎，我終於可以有餐好飯食，可以行街買野啦!!! 雖然只係得兩日!!!

除左窩心，我無其他野講!!! 多謝你!!! 辛苦哂啦!!