小娜執媽的部落格

兩隻牙仔

NATTO@26 MONTHS

MY TWO SWEETHEART^^

路人甲菲菲

我個BLOG已經充滿青苔+蜘蛛網啦!!!! 真係好想好想寫多D，寫密D，但係真係有心無力!! 作為兩個細佬既媽媽，我一定要以佢地行先!!即係話我一定要拖哂地吸好塵，煮哂飯，洗哂衫(佢地個D) 我先可以有丁點甘多私人時間做自己野，但係我效率真係要有待改進，做哂必要野後，已經到晚飯時間，再攪埋佢地訓覺，我自己都累到快要斷片!!!

真係辛苦哂成日摸門釘既BLOG友仔(如果仲有既話)!!不過我一日未話褶埋個BLOG都會繼續寫，只係好耐先一篇!!!

托大家既福，我隻手終於拆一石膏，但係是否完全康復要睇下做完hand therapy之後隻手仲會唔會痛!!

至 終我兩隻小鬼，還好啦!!只係Natto不停受到d virus attack，攪到皮膚成日出紅疹，好完一陣又黎過!!!我已經試過大家既提議，so far都係時好時壞甘啦!! 前一個禮拜Kori開始流鼻水+咳，之後當然惹埋Natto啦!!! 而家兩個好返好多啦，但仲有兩聲咳!! 我都忙住煲呢煲路比佢地飲，希望可以止咳!! 除左d小病，兩隻野都算活潑!!!Natto已經識講好多野，雖然未係可以講完整句子，但相關既字都可以連埋一齊講!!例如佢會話mc donald，薯條!!! 十個月大既Kori已經可以企到一陣，仲識byebye同埋錫人!! 遲下等我有時間再記錄一下佢地既成長日誌!!

至於我兩公婆，除左忙，都無咩其他特別野!! 黎緊感恩節，我地會去旅行，過一個真正假期，二人世界一下，平衝下湊仔既壓力!!

各位blog 友仔，雖然香港無感恩節，但我都祝你地感恩節快樂!!! 人人健健康康，開開心心!!

我兩隻小鬼不知不覺已經長大了............................................

KORI@10 MONTHS