蘇梅第一天 @ 小娜執媽的部落格

多謝大家關心，我終於可以用返個鼻哥透氣啦，陰公!!! 呢次感冒+嚴重Allergy真係辛苦過生仔!!兩個鼻哥塞哂又勁打乞痴，成個人浮下浮下，今日終於好返d，拿拿聲寫下d過期blog!!! 真係過份，我都頂唔順自己，我d遊記連陀緊Natto時O既大阪之旅都未寫完，希望唔會爛尾啦!!!

趁熱辣辣，就寫下蘇梅曼谷之旅先!!!

去左幾次日本，今次想轉下D完全唔同feel o既地方!! 其實我一直好懷念上次去馬爾代夫o既陽光海灘，其次又好想真正休息下，畢竟湊住兩隻小鬼o既二人世界機會唔多，去日本一定會日行夜行，怕好累，而豆爸爸又未去過泰國，所以今次年度旅行選擇了少d人去o既蘇梅!!而成年無shopping行街o甘滯o既我梗係想去埋曼谷啦!! 於是六月中我地兩條友就去左蘇梅+曼谷8日7夜啦!! 5日4夜蘇梅，4日3夜曼谷!!! (其實如果想盡情放血，曼谷4日係絕對唔夠o既!!!)

由於想停留曼谷，所以我地由香港出發去曼谷再轉機到蘇梅!! 不過泰國出入境比較麻煩，無論你再轉內陸機去泰國其他地方都要先響第一站過海關再出機場離境大樓再轉機! 我地因為搭唔同o既航空公司去蘇梅，更加要再去check in拎登機証，所以差少少趕唔必上第二班機，所以大家記得要留返多少時間轉機，盡量唔好機駁機!!!

小插曲: 話說我最有手尾最唔大頭蝦o既老公居然將我地所有旅遊天書都漏左響飛機!!我臨上機去蘇梅前先發覺，當堂嚇呆繼而嬲爆!! 書無左，做既功課又無埋(好彩今次我無咩做功課!!!)點算!!!??後來我老公麻煩佢香港個邊o既同事即刻FEDEX一本天書寄去曼谷既酒店我地先不至於7日都迷失泰國!!

我地坐o既內陸機屬細機，所以好嘈，唔太舒服，不過佢地一個鐘頭機都會serve飛機餐都算唔話得!(悶蛋國內陸機就算超過5個鐘都無飛機餐架) 不過我嬲得滯，連飛機餐都無食!!!

去到蘇梅後我地響機場內o既租車公司拎車!蘇梅島其實就係一個環島，由於屬於旅遊勝地，所以坐的士都幾貴，而且有d無良司機仲會坐地起價，加上蘇梅都好熱下，出街行路都幾辛苦所以如果識渣車，自駕都比較方便!!