小娜執媽的部落格

 

 

你睇久別重逢o既兩兄妹幾sweet~~

 

一年一度的回港trip終於開始左啦!!! 其實都返左黎幾日，但係每日都早出晚歸，加上湊住兩隻小鬼基本上連o訓都未o訓夠再加埋時差，每晚都如死屍一樣撻落床就自然斷片，邊有時間可以上Blog oY!!

家下我終於有時間Up下野啦，因為我同我親愛的又出走一個禮拜去蘇梅二人世界!!今日第一日到蘇梅本應好開心可以放下假，二人世界一下!!點知!!!!!!!!!。。。。。。


我老公竟然將所有旅遊天書都漏哂響飛機!!!!!!!!!!!!!!!!!!!!!!!!!!!!!! 自由行，無天書，我完全未試過!!!! 唉。。。。。。點算呀? 大好心情即時行雷閃電!!!邊個成日話我大懞唔記野架?今次有人自打咀巴啦!!!

算!!!唔漏都漏左啦，嬲都無用，唯有當hea trip啦~

講 返Kori第一次搭飛機，我只可以比佢六十分!!雖然佢自己有個bassinet ，但係佢全程自己o訓都唔知有無兩個鐘!!!一定要我地佢抱住佢o訓，所以今次無上次帶Natto返黎o甘好訓啦，上次Natto一口氣o訓左五個鐘，超 乖!!!妹妹呢樣就唔夠哥哥乖啦!! 不過除左要成日抱住，其他都ok，無勁喊嘈到人!!

等左三個月，終於見返我個心肝寶貝Natto 啦!!好彩佢仲認得我同爸爸，不過望我地時有少少怪怪地，好似有d怕醜o甘!! 無見三個月，都叻仔左!!而家識清楚地叫爸爸媽媽，姐姐仲有"巴斯"同"兆巴" (巴士同小巴呀) 講得好得意架!!! 高左好多，不過都係排骨仔一名!!而家唔鍾意食既野仲會識lur tim!!!! 不過其他野都好乖，唔會同圍攪攪震，出街坐車亦會坐定定唔會亂走!!!

好開心呀，見返個仔真係咩野唔開心都可以忘記!! 。。。。。。包括我老公整唔見左本天書ssss!!!