小娜執媽的部落格

就係呢包餅攪到我屎忽痕!!!

九萬隻碗要洗呀!!!我唔太好整蛋糕,呢個都係其中一個原因!!!

仲要焗埋裡面個海綿蛋糕,點知我唔知咩原因,跟哂時間都焗過頭,硬到成隻飛碟o甘!!後尾唔跟時間,自己睇爐!

Natto BaBa切時問我,點解個蛋糕可以硬到成隻碟o甘!!!??

飛碟(left) vs 海綿(right)

個紅豆芝士漿人地15g奶,我睇錯落左150g

攪成o甘!!又要再整過!!!

攪左一大輪,終於入直路啦

個餅底睇落無咩野,點知完成之後一切,唔夠實,散哂!!我明明跟住哂D分量架啦wor!!! 不過我鋪底時已經覺得好似唔夠實,死唔信自己直覺,死跟譜, 結果散哂!!唉~

由於慢手腳,攪到個紅豆芝士漿變硬唔夠水,倒落模時太杰,所以整出黎個蛋糕邊唔靚唔夠滑

綠茶慕絲終於做o岩哂^^

經過五個鐘頭大戰.終於整好啦!!!!!!!!!!!!!!

總算老懷安慰........................

有一日行開Market,比我見到馬利餅!!記得之前想本芝士蛋糕一直都搵唔到呢隻餅乾做餅底!我以為悶蛋國無呢隻餅買,點知比我見到,於是買返屋企整蛋糕啦!之前講開仲有紅豆蓉未用哂,於是把心一橫整左個綠茶紅豆芝士蛋糕!

我自認無咩藝術細胞,畫畫,勞作整蛋糕都永無整得靚靚!! 自己手腳又慢,整一個蛋糕分分鐘整成日(結果我真係整左四,五個鐘,企到腳都軟) 成日同自己講,出去買個又靚又好味o既無o甘嬲,所以通常唔係有咩特別節日,我絕對唔會整蛋糕!!

今次整蛋糕,完全無任何特別日子要慶祝,只係一時興起屎忽痕!! 一於所料, 好多錯處,撞左好多板呀!!!好彩整成品都唔係超級樣衰,食落都未至於要lur出黎!! 不過整左我成晚,仲要係有Natto BaBa出手幫我tim! 真係小娜整餅,整到眼坦坦!

個程唔寫啦,請參考Miss Jubie日式綠茶紅豆蛋糕!!真係羨慕人地o甘鬼賢淑,識整o甘多野!!