小娜執媽的部落格

BAD DAY

"支力"指數x10000000000000000000000000000000000000000000000
負能量x10000000000000000000000000000000000000000000000000
我要爆啦!!!!

現 在時間凌晨1:20, 返左一日工,13小時,遇到幾個PK醫生s,一個唔識organize既charge nurse, 一班少少歧視非白種人o既同事,一個叫極,係叫極起碼三次以上都唔做家務o既細妹,一D唔太想爭論o既湊B方法.....好彩今日我老公都無鵝我,如果唔 係我會爆得勁過俄羅絲炸彈爆炸!!!

今早我個產婦媽媽大出血,流左1500CC血(正常分娩係200-300CC) ,原來爆左子宮頸,勁流血,好彩後尾無事,不過我跑到隻狗o甘,個主診醫生又麻麻煩煩,一時又要呢樣一時又要o個樣,做到我死死下!!

唉~ 有時真係覺得呢個世界惡人係大哂,就算有無道理,只要你夠大聲,夠巴渣,就算係歪理,D人都怕你三分當你係o岩! 今日我遇到兩個令我Shame to be Chinese o既中國醫生!一個Chinese OB醫生出名麻煩巴閉,佢一出聲, Charge nurse都要比面佢留房比佢D病人入院,郁D又要開刀,超無良,成日話D產婦胎位高,BB大,實生唔出,實情係想快手生完收工趕食飯,次次都係o甘,真 係好想好想係產婦面前踢爆佢!!以前做中國人醫院時見過唔少呢D無良醫生,點知外國人醫院都有,仲要係唯一一個響呢間醫院o既中國人醫生都o甘PK,簡直 影衰我地中國人!!


第二個PK醫生又係中國人!!!!WTH!!!! 呢個麻醉拜醫生出名手勢快同準,不過佢完全無職業操手可言!!有做過Epidural o既媽媽應該知道做Epidural一定要姿勢o岩先做得!!!我今日有個唔識講英文o既墨西哥媽媽因為姿勢一直唔o岩令呢個PK醫生好難落針,結果呢個 醫生居然推呢個媽媽個頭,做野又大大聲,態度差到我都睇唔過眼!! 我心唸,如果我係呢個媽媽一定即時叫停換人做!!喂!!!我黎生仔je,駛唔駛受到唔人度o既對待呀?知唔知咩係人o既尊嚴呀??痴線架!!!仲要係中國 人,真係超級影衰哂我地中國人!!!!

我 而家做o既醫院越來越忙,幾乎每日都做到隻狗o甘返屋企!!每次返工我都只Pump到一兩次奶,奶量少左好多,就黎要同媽媽奶講拜拜啦! 即使返兩日,忙足13個鐘,返到屋企真係一隻死狗o甘,咩都做唔到!!今晚我9點已經累到灘左響度不醒人事,一o訓就12點先起到身,連同 Natto玩都無力啦!!! 我地醫院人手又唔夠,而家請左好多新人,大部份都係白人,我地個呀頭又係白人,雖然無好明顯被歧視,但其實內裡我感覺佢地唔太鍾意我地亞洲人!!白人當道,攪到有時都受到不公平工作分配待遇!!唉~我又唔夠惡,又唔夠人大聲,感覺成日比人佔平宜,越做越無癮!!!

忙 完返工一日,返到屋企已經累到目無表情,有時面對屋企人間o既問題真係令人懊惱不已!!!每個人standard唔同,住埋同一間屋,就算屋企好親o既人 都係相見好同住難!! 屋企大家都有份,點解每次都係我地做哂D家務呢?點解o甘大個人都一D手尾都無呢?點解叫親佢做野,起碼叫三四次先叫得郁呢?係!!!是的,做大應該照顧 細,但大家都要為屋企負返D責任,幫幫手唔好整到屋企亂78糟先得架!!!係咪細妹同我有代溝到佢聽唔明我講咩呢?? 我都唔想好似呀媽o甘日鵝夜鵝,但係咪都應該自覺少少唔好再要人叫o甘多次先做呢? 我好興幸我返工時我奶奶會幫我湊B,但有時候老人家o既湊B方法真係同我地後生o既有出入,雖然我奶奶已經算係好"前衛",不過兩個太緊張Natto o既女人同時出現湊仔,分歧又黎啦!! 唉!~一個唔覺意,講左D無心之失o既野又令人唔高興,攪到我而家都唔敢再同我奶奶爭論湊B方法,佢講我聽,但我有我做法! o甘就少D摩擦~ 我變得好駝鳥,聽唔到睇唔到就算!!

呻完!!好累!!!要o訓啦!! 聽日又係另一Day!!!唔開心???是但啦,聽日產後失憶發作就得架啦!!