小娜執媽的部落格

現在時間:凌晨兩點半................

今日由Vegas返屋企,直踩三個幾鐘車(唔該Natto BaBa辛苦開足全程)再直踩朋友仔火雞節Party!!爆累!!!

返 到屋企,幫Natto沖涼餵奶,本來好應快快趣上床休息,不過當Natto喊到收唔到聲面都紫埋時,佢BaBa又已經200%昏迷(我唸火燭,走難,打劫 都叫佢唔醒)我響情急之下想拿拿聲響消毒煲拎奶咀出黎時比蒸氣灼親隻手,呢一刻我想記低我做左快兩個半月媽媽o既感受!!

苦

做人奶媽媽時,你就係BB食糧,困身到不得了!!(但我願意,只要BB健康)唔使旨意再有場好覺o訓!!
BB一喊,老虎蟹都要起身,特別係當你旁邊o既人進入睡眠死亡狀態時!! 我老公話我已經比好多人o訓得多,或者係!!不過重質不重量,我個黑眼圈有大無細!!我條o訓"黎"頸,三日都未好返!!

天寒地凍,餵完奶攪掂哂BB終於訓著覺,仍然要洗奶樽,自己沖埋涼每日都起碼攪到兩點先有得o訓!!

當你谷奶到變石頭胸,一粒二粒硬得得痛到叫救命時,BB又啜唔哂,老公又拒絕幫忙時,自己大力按到個胸都幾乎下垂,有苦自己知!!好彩唔駛靠事業線搵食je!!!

做媽媽似乎無左"自己",萬事都要為仔死為仔亡,不過好多野亦只有媽媽先享受到.......

只有媽媽最了解BB脾性,係最了解BB o既人!!最近我發覺我一豬起個咀,Natto就會笑!

好多第一次都係媽媽見到先

暫時無人可以取代我既地位,因為我係Natto o既米飯班主!!

簡單一個天真o既笑容,溶化左我一整日o既疲累!


我仍然喜愛做媽媽,我仍然酷愛我粒豆!!

各位媽媽一齊作戰,共勉之!!