小娜執媽的部落格

人總係有o既時候好想無,無既時候又好想有!

懷 孕時好想快D將Natto生出黎,生完又好懷念大肚!! 今日我播Mozart比Natto聽,突然勾起左以前陀住Natto時,每次煮飯都會開Mozart比佢聽! 前幾日響車度,一聽到某D歌又唸起之前大肚去街買飯時,一路聽歌一路同Natto傾計,話比佢聽今日媽媽食咩野,或者一齊去偷食壽司!!

響我手提電話裡面,有幾個Natto響我肚裡面郁郁貢 o既 video, 仲有佢10週時我影落o既ultrasound,一睇返又令我鼻子一酸,眼紅紅啦!

原來己經十個月啦~~呢個同我血肉相連o既小鬼已經同我個肚皮分左手!

當你身處其中時又覺得時候過得好慢,點解仲未過三個月?點解仲未知男仔定女仔?點解仲未生得?!!原來時候不知不覺間流走了,快到自己都唔覺!!

好快又十個禮拜,十個月,十年,廿年,呢粒豆總有一日要離開爸媽去闖世界.........

好快好快.......有時我希望呢粒豆可以永遠都唔大,長留響爸爸媽媽o既身邊,不過呢個只係媽媽一個自私 o既希望.........

弊!!係咪產後抑鬱先兆