Natto和我的好朋友 @ 小娜執媽的部落格

我由12週開始﹐每晚都由我親愛的Honey 幫我搽肚紋膏﹐一開始搽我之前買o個隻LIERAC﹐不過個肚由14週開始好痕!!每晚食飽飯後最嚴重﹐忍唔到手係o甘R!!結果比我R到紅哂﹐未至於流血或損﹐但係就有兩"達"印!! 似乎呢隻LIERAC無咩改善到肚痕﹐不過so far除左痕都無其他問題!

我上次去大阪﹐狂掃 Natto野之外﹐又貪得意買多左一盒日本製o既肚紋膏Madonna!價錢好似係4000yen﹐但係好細盒﹐得35g﹐大概可以用個半月!但係搽左呢隻膏之後個肚就再無痕過啦﹐暫時都唔見有任何爆紋跡象! 如果大家去日玩時可以留意下﹐我係響Akachan 買o既﹐佢仲有大支裝﹐夠成個Pregnancy用!而我因為仲有一支Noodle &Boo響屋企﹐手痕買多盒試下je! 我覺得唔錯所以推介比大家準媽媽!!

而 Natto由20週開始我幾乎每日/每晚都會播Mozart比佢聽(其實BB仔係響24週後先開始有聽覺)﹐雖然我唔覺得佢對d音樂有咩特別反應﹐不過我聽完之後心情確實係舒暢左﹐少左煩燥! 我睇forum﹐d有經驗o既媽媽話懷孕時聽呢D classical music﹐第日BB出世後佢聽返呢D熟悉o既音樂﹐佢會無o甘易喊同埋o訓得好D!!! work唔work就要等Natto出世後先知!不過無論對BB定對媽媽﹐聽音樂真係可以淘冶性情!(我奶奶話我陀左B之後﹐脾氣反而好左﹐哈哈~)

除左Mozart﹐間唔中我老公都會講故事比Natto聽﹐不過十次有九次半都係龜兔賽跑﹐再唔係就係米奇與米妮賽跑﹐又或者係菲菲與呀水賽跑。。。唉。。。。悶鬼死!! 唔講故事就係同Natto講佢今日睇到咩靚車車﹐邊間車仔平左又買唔到﹐總之離不開都係車!!!!! 佢一直以自己三歲都未夠就識認哂所有牌子o既車為榮!!!哼!!第日我唔買車仔比Natto﹐我地玩bear bear!!!!嘿~

有趣地﹐最近我打Blog時會聽返周杰倫之前d舊歌﹐每次(係每次)我一聽周杰倫﹐Natto就郁身郁勢﹐好似跳哂舞o甘!!有時聽到d rap o既部份更加被佢伸多我幾腳tim!! 唔通佢鍾意Rap?鍾意R&B? 我老公最近亦愛上左MC Jin﹐一副Natto第時係o甘都幾好oY o既樣子!!! 激死左!!