Tummy Mommy@ 22weeks @ 小娜執媽的部落格

不經不覺陀住Natto五個半月啦!! 自從18週響日本旅行時開始感覺佢響我肚裡面郁黎郁去之後,每一日胎動o既感覺一日比一日強烈,感覺好實在!!而家返工我都好少去照佢啦,因為我已經感覺到佢o既存在,活生生o甘,響我肚裡面享受緊佢成世人最舒服最寧靜o既Spa!

隨住個肚越來越大,個人亦越來越懶(其實不嬲都係懶人)!! 拖拖拉拉左幾個星期,終於的起心肝影下個肚Dum!! 其實我仲唸緊去唔去出面比人影下,話哂都係第一胎,梗係咩都新屎坑D!!不過悶蛋國o既拍照服務費用一D都唔野少,要求高D分分鐘同影結婚相差不多價錢, 所以我地仍然在考慮中!! 今次隨隨便響屋企影住先過下癮!

全家總動員出齊陪Natto影相,玩到顛哂!!由於興奮過度,Natto成晚都不停踢踢踢,踢到我老公同細妹都感覺到!!平時佢好Cool架,一有人摸我個肚,老虎蟹都唔郁,好有性格!!

而平時麻麻煩o既菲菲,今日亦出奇地合作,影相望實鏡頭,仲任擺Pose! 哈哈~