小娜執媽的部落格

要知道排卵日子﹐除左照ultrasound係最準之外﹐其他方法都只可以計算接近排卵o個幾日! 之前都講過可以有排卵捧check﹐不過其實排卵捧都有好多學問!我本來都以為好簡單﹐用過之後先知有好多學問!

響悶蛋國買排卵捧好鬼貴﹐一盒7支就要三十幾才美金!!有時遇o岩cycle 亂o個排真係一個月要用兩盒!個個月係o甘用﹐條數真係襟計!於是我上forum得知大陸有賣一隻捧卵捧﹐好平﹐大概幾毫子港幣一條﹐就算日日用都唔肉赤! 於是我就上網同人買左兩盒﹐到而家都未用哂!呢隻大衛牌排卵捧(網上d人叫佢做紅d﹐因為支捧係紅色)﹐大家可以參考下!!用法都係一樣﹐用驗尿方法驗體內LH (排卵前會突然上升o既hormone) 如果結果同對照線一樣深色又或要深色d就即係代表12-36小時內會排卵!

我初初用時覺得好confuse﹐因為有時result個顏色又淺d﹐又唔似同對照線一樣﹐o甘即係點呀? 後來我又上網做research﹐終於知道原來LH係會響排卵期前慢慢逐日上升﹐到要排卵前一日就會升到高峰(surge) ﹐呢個時候就會出現同對照線一樣色或者深過對照線tim! LH達到surge之後就會慢慢下降﹐若然懷孕﹐LH就會響受精後又慢慢升返﹐所以大家亦可以用紅d驗孕﹐排卵之後10日左右如果紅d再出現深色就有可能已經懷孕啦! 至於LH要幾耐先去到surge﹐每個人都唔同﹐有d人幾個鐘有d人幾日﹐所以當紅d有反應出現淺紅色後最好每8個鐘check一次﹐唔係就有可能miss左個surge(100% or +深紅色) 你可能以為自己無排卵﹐或者唔正常嚇自己一餐!

如果唔嫌貴﹐又覺得睇顏色唔太sure到底自己係咪就到排卵期﹐葯房仲有其他測排卵o既tests可以買到! 有一隻Clear blue出o既排卵捧﹐result唔係用顏色深淺顯示而係用笑哈哈公仔!!原理都係一樣,LH去到最高就會出現笑哈哈~對比睇顏色個D,呢隻容易明D,有公仔即係就黎排卵啦!不過價錢亦比較貴,所以有D人係當紅D出現深粗個幾日要用笑哈哈CONFIRM!

有左呢D工具就可以較岩日子先開工,唔駛估估下啦!!不過都係個句,一個女人一個月懷孕機會只有25%,就算精子同卵子成功遇到,都要睇埋之後能唔能夠成功著床(即係受精卵要痴得實個子宮)先得!

所以每個BB都係上天既恩賜要好好珍惜!!!