奈良﹐最出名係佢o既鹿仔同埋幾個世界遺跡﹐好似東大寺﹐藥師寺等等........!我老公最怕去旅行時日日shopping﹐所以點都要去郊遊輕鬆下!!(雖然都係行到死死下)
由大阪梅田坐JR大和路快速大概40分鐘就到奈良啦!! 其實奈良都有D似京都﹐比較多花草樹木﹐鄉土D﹐無大城市o甘繁忙! 我地去tourist information拎左個地圖﹐跟住佢D route都行左大部份o既景點﹐如果要行哂﹐起碼要大半日時間! o個日風和日麗﹐太陽伯伯樂精神﹐係一個郊遊o既好日子!!
奈良到處都係鹿仔﹐特別奈良公園最多! 你可以響小賣台買D鹿餅比佢地食!!佢地一見到鹿餅就會成群湧上黎﹐向係討餅!有D醒目D o個D仲會向你鞠躬行禮~最衰我大住個肚﹐如果唔係一定試下餵佢地﹐我honey又唔肯試﹐話睇人餵一樣je!!! 奈良有間藥師寺﹐建於公元六八零年﹐己經有千年歷史!!聽聞佢o既健康符好靈﹐我地專登行左幾個山頭先去到求個健康符比我奶奶! (藥師寺算係奈良景點裡面比較鬲涉o既﹐所以無咩人去!!) 大部份響奈良o既寺都係收費o既﹐由三百yen到六百yen不等﹐藥師寺最貴要六百yen!!
去完藥師寺就趕路去春日大社同東大寺呢兩個多人去o既景點!!遇上有日本中學o既field trip﹐有好多中學生著哂校服﹐唔知係咪黎求學業進步呢? 去奈良多數都係參觀下d世界遺跡寺廟餵下鹿o甘﹐完全無得shopping(我老公最鍾意)﹐所以唔係吸引到好多遊客!!
不過樂得清閒﹐都幾relax!!
R o既路線指示圖唔算好清楚﹐我地研究左好耐先搵到最快o既JR線去奈良﹐停少好多站﹐780yen一程!!
奈良吉祥物:鹿角人
幾少人流~~
Honey"今日唔駛shopping!!YEAH!!" 
無鹿餅食變得好cool~~~~
去藥師寺沿途中
仲見到水尾櫻
呢間係一間餐廳﹐個名好攪笑
去春日大社途中關左門o既夫婦大國社
呢個人一定係等待緊佢o既Mr./Mrs. Right
春日大社入場300yen
世界遺跡:東大寺係全世界最大o既木製建築
裡面一條柱有個窿﹐相傳如果能夠穿過就會為你帶來好運!!我地就梗係穿唔過啦﹐不過有好多小學生排住隊黎穿﹐場面有D似貞子響電視度爬出黎
待續............
留言列表
環遊世界 (16)
