第二日十點零出發去本町一間又係專賣BB小童野o既大型專門店: AKACHAN!!
http://www.akachan.jp/
由 梅田搭地下鐵十分鐘出本町站唔駛一分鐘就見到!!好多天書都有介紹呢間鋪頭﹐又係平靚正!Akachan比西松屋更大﹐有分幾個館﹐仲有賣大型BB野如 BB車﹐床﹐玩具都有好多!我Honey專攻"咩帶"同埋BB車﹐我就睇衫仔同日用品!!大大話話都逗留左三個幾鐘﹐因為真係好大好多野睇!!我地一去到 就見到有兩對香港爸媽﹐同埋一d大陸爸媽﹐証明好多人都係暮名而來!!最後又係成車滿哂﹐不過最終都係無買BB車﹐因為怕拎到返去悶蛋國有咩事壞左無得維 修!
其實akachan係好近心齋橋﹐不過唔係響最旺o個商店街﹐但沿路一直行就會到人氣最旺o既商店街!如果唔怕累可以行多廿零分鐘上 返去旺區﹐浴路都有野睇﹐不過商店比較普通﹐o甘就唔駛落返去搭地鐵啦! 我地血拼左一個早上﹐行左成朝頭開始頂唔順好想搵個地方坐底食野!! 最終無睇天書介紹去左食洋食意粉:五右衛門﹐係我honey話唔知邊個話好味o既~ 都唔錯﹐不過我地食開淋D o既意少粉﹐對我黎講有D硬! 食完又係繼續行行行﹐不過買唔到D咩!!唔知點解到買自己野時就提唔起勁﹐買BB野時又開哂turbo!! 我真係一個好媽媽!!!
晚 飯時段剛好行到去遊客區難波/道頓堀!!!其實好似香港o既旺角o甘﹐好多人好多街邊野食同埋餐廳!!黎到日本一定要食大阪燒(又名好味燒)同埋章魚燒 啦!! 我地都係去天書介紹o既某一間﹐都係介紹錯!不過個大阪燒都幾貴﹐細細客一個都要1500Yen!!係一定食唔飽o個隻!不過我都無預會食飽﹐之後再黎多 個章魚燒!!好味呀!! 不過今次大阪之旅有D遺憾只係食過一次大阪燒同章魚燒﹐之後都無時間再返去食啦!!所以大家去日本有咩好食一定要食盡﹐因為好難有時間吃回頭草架!!
最 後我地被隻大蟹同佢o既春季set吸引住﹐終於都係忍唔住去食蟹道樂!!!上次去東京己經食過架啦﹐不過佢個春季set6000yen都唔駛仲有o甘多蟹 食﹐我被打敗了!!大肚婆係唔應該食蟹!!!係係係!!!我知~ 但係魔鬼話一次半次唔怕o既﹐又唔係日日食﹐唔食會後悔!! 哈哈~我都係食左每樣少少過下口癮﹐而我老公就成為最大得益者!成個set佢幾乎食事三分之二﹐食到佢捧住個肚走!!
我呢個"好媽媽"都真係唔係typical 會介口o既大肚婆!!! 我覺得樣樣事適可而止就無問題啦!! 除左一D點都唔可以食o既野之外﹐打後大家仲會見到好多大肚婆o既十大不准吃o既野食!!!
各位媽媽們﹐放心食啦!!!
杜如風都介紹過o既平價肥牛飯松屋﹐310Yen連半熟蛋一隻﹐係我地早餐o既首選!!
五右衛門洋麵屋@心齋橋﹐八十分!!
大阪版o既旺角﹐人氣十足﹐亦係遊客必到搵食之地
道頓堀一條街就己經有3間Kani道樂﹐我地去左中間鋪﹐包埋場望住呢條"小河"食蟹!! 第一間鋪通常最多人﹐因為就腳!
Glico專門店~全部賣特色固力果零食﹐仲有好多大阪限定版!!
上次去東京飲恨搵唔到一蘭拉麵﹐今次搵到都食唔落﹐最終都係緣慳一蘭!!
食完野對住小河散下步可幫助消化!!!^^heee
美津之好味燒!!
點解食個大阪燒要行o甘長o既樓梯﹐仲要一條>50度o既樓梯!!!!!
帆立貝山芋燒~~有別於平時食o既大阪燒!!比較淋身同埋無炒麵!
唔記得叫咩名o既章魚燒﹐不過係老字號!!最平300yen 6粒!!
就係右手邊o既春季set出事啦
前菜都有o甘多野食﹐我地兩個share都好夠!!
幾特別o既蟹羔火鍋﹐好似食芝士火鍋o甘﹐將蔬菜同蟹沾滾熱熱o既蟹羔一齊食
當然唔少得Kani Sashimi!!
有無o甘好味呀??
最後以一碗清湯蟹肉泡飯為今日劃上句號!!
喪食明天待續!!
留言列表
環遊世界 (16)
