產房裡的H1N1 @ 小娜執媽的部落格

呢排多左好多疑似H1N1同埋confirmH1N1 o既媽咪入黎我地ward!已經有兩個同事不支病倒攪到大家人心惶惶!(特別係我家o既老公﹐猛叫我帶口罩洗手洗手) 我地都做足預防裝備﹐口罩手套都一定會用足﹐但係就無香港o既誇張全套SARS裝備!不過好難怪香港響呢方面會o甘緊張﹐始終經歷過慘痛o既SARS﹐有陰影在所難免!

我地呢邊對H1N1病人同對普通流感無咩分別﹐只係droplet同contact precaution!因為流感同H1N1都係透過口沬傳染﹐如果唔係直接同病者有口沬接觸﹐好少會感染!不過有同事話病者o既virus可以響表面環境生存24-48小時﹐嘩!!即係如果我有H1N1打個"黑痴"我d口水接觸到o既地方會有Virus﹐而呢d virus以兩日都唔死﹐如果你隻手掂到呢d地方﹐再唔小心接觸到自己o既口鼻眼睛﹐o甘就有機會中招!!所以洗手洗手流手好緊要﹐特別去完街返屋企一定要洗手!

雖然H1N1無SARS o甘犀利可以殺人於無形﹐不過準媽咪們都係高危人士﹐如果不幸患上H1N1﹐手尾會比普通人長﹐因為孕婦抵抗力都比較低﹐好易會病架!所以為左保護自己同 BB都係要萬事小心﹐出入診所記住帶返個口罩﹐每日記住食prenatal vitamin!萬一壞疑自己中招﹐例如有發燒﹐喉嚨痛﹐咳嗽﹐流鼻水﹐唔好理三七廿一快快去求醫以免delay treatment! 如果無嚴重問題﹐我地呢度多數會叫媽咪留院觀察一兩日再開幾種抗生素(包括特敏福tamiflu) 就可以出院! 雖然無研究話食左特敏福會影響BB﹐但係我覺得始終唔係o甘好﹐有事時麻煩啦!預防勝訴治療﹐呢D敏感時期都係少D出街啦!

而我雖然唔係大肚婆﹐不過時常出入醫院都屬高危人士!!我自己都會醒醒定定﹐增強自己抵抗力就唔會o甘影中招啦! 一有少少"唔妥"﹐第一時間啪返包Emergency C﹐一包有十倍每日所需o既維他命C!!!呢包神奇o既小粉都救左我好多次架﹐全靠佢我先仲精神弈弈jar!!萬一想作病﹐飲一包就無事架啦!佢有d似香港o既康鈣C﹐都係沖水飲o既!值得推介!!