10310654_10152996314660259_4244451464695289134_n10419986_10152895025485259_5302975192965123882_n10915260_10152982932835259_5162965417359843737_n  

 

我幾乎連login name 密碼都唔得,你話我有幾耐無上黎個發霉blog!!!


大家別來無羌嗎? 我地好好,只係超級忙! 忙到我自己都唔知忙緊咩!! 相信有兩個小朋友以上o既媽媽應該都明白我,我唸可能有一個朋友個d 都明架啦! 生左BB,佢
地就係你o既一切! 你唔食都要煮比佢食,你唔o訓都一樣要服恃佢地o訓先!

不如update一下大家啦,如果大家仲有興趣想知!


小娜執媽:無穿無爛,除左part time 執仔外就係全職媽媽! 悶蛋國請工人太貴,唯有自己做埋工人,家頭細務煮飯洗衫四腳踢!點解係四腳? 因為我要比返credit 豆
爸爸,佢都辛勞不少,放工返黎都基乎無停過地幫我執手尾,洗碗洗衫講bedtime story 全部一手包辦,多謝佢無私為屋企付出,為左報答佢我就。。。。。發少d脾
氣啦!!嘿嘿!!!最近發覺胃口少左,食少左野,唔知點解無生完B後o甘大食,可能身體都知我已經收爐,唔駛o甘多肥膏同營養! 胃口細左,自然瘦返少少,但係都去唔返做女年代,不
過我已經接受現實了,唔好變肥師奶就得啦!

Natto: 四歲四個月了,已經由BB變成小童! 前幾日去年度體檢,體重35磅(25%) 身高 好似係102cm (75%)! BMI 屬偏瘦! 食野問題依然,不過我覺得已比細個時進步,所以我都睇到化,唔好跌出0% 就算啦! 返學開始有自己喜愛o既同學仔,會時常坐埋一齊玩一齊笑,這一點我係十分恩惠的,因為佢終於唔再獨家村啦! 響媽媽眼中仍然係一個乖仔,不過呢個乖仔似乎開始有好多自己主見,唔係以前o甘下下都好順灘!開始有思想,邏輯,前文後理! 有時係難攪d,但係見佢慢慢長大,我都係個句"開心,感恩"

Kori: 三歲了,一早由BB 變成小童,無論係性格行為思想講野方法! 女仔係咪真係早熟D 既呢? 老人精一名,又bossy,但同樣地又好喜歡人地呵佢,當佢係BB! 有公主病,呢點我絕不否認! 好難攪,超有主見,強勢,性格好鮮明,野蠻,任性! (我老公一定話呢d 性格似曾相識) sorry,我唔應該係o甘彈自己個女!! 但Kori 係十分十分獨立o既人,自理能力一流,著衫著鞋,日常生活基本上佢自己攪掂,拒絕我地幫佢,咩都要自己落手做,除左食野超麻煩!!Yes, again!! 由於食得唔太好,體重差不多要跌出生長線(27 磅),好彩高都仲有50% (92cm)

兩兄妹打交爭玩具,互相整蠱係常見!但感情總算親密,同一間房o訓已經差不多一年啦,出奇地完全無問題,大家夠鐘就安靜o訓覺,又唔會傾計又唔會玩!

我無後悔生兩個,佢地有伴一齊玩,一齊成長我覺得係我比佢地o既禮物! 雖然真係累到hell!

兩個返同一間preschool 啦! 佢地返學時候終於有少少私人時間,雖然唔多,但都好過無! 前幾個月無意中join 左一個group, 係悶蛋國o既香港媽媽會! 人在異鄉,能夠認識同鄉又同聲同氣o既人, 大家分享下湊仔心得實屬難得,雖然個group o既會員唔算多,但係好似一個社會o既縮影,雖然大家都係媽媽級,但都有好多唔同類型o既人,真係一樣米養百樣人,有少少似香港o既baby kingdom一樣! so far 大部份媽媽都好friendly又熱心幫人,令到大家身在異鄉都能夠有返d 歸屬感! 我亦難得地從我湊仔&返工only o既生活外,認識左d 新朋友!

2015年啦,時光飛逝!  感恩o既係一家齊齊整整,不如意o既事當然有,不過人生短暫,好多人和事都只係你生命中o既過客,放低自我o既一點執著,活在當下,開開心心就算啦! 所以我成日叫自己唔好發o甘多脾氣,哈哈!

    全站熱搜

    obsiuna 發表在 痞客邦 留言(3) 人氣()