小娜執媽的部落格

我地訂做比Natto一歲o既生日蛋糕!!!用佢出世到而家晚晚陪佢o訓o既獅子仔做主角! 你而家問佢獅子仔呢?佢就會拎隻獅子仔比你，你叫佢錫獅子仔佢又會錫，好Friend!! 而下面隻Miffy就代表Kori，因為Kori係兔女郎，雖然佢未出世，但都有份陪哥哥生日!!

準備出發，幾焦積

一去到可能未訓醒，呆呆下!

我都唔鐘意白雪公主o既!!人地同佢影相仲擰咩面,寸爆!!!

阿拉丁都唔係我杯茶!

原來佢鍾意Pluto.................個鼻

不過不失

中場Pluto跳舞，D小朋友出哂去睇

最後全場o既卡通人物都入左黎同Natto唱生日歌

Happy Birthday 心肝寶貝!!

We love you so so much!!!

兩兄妹

"慘案"發生後

 

話o甘快就一歲啦~~

最近真係爆忙，一踏入9月，又到左我同Natto o既生日月!!! 我o既生日Blog都未得閒出，又就到Natto生日啦!

我地之前唸幫唔幫Natto攪生日會好呢，皆因佢又未識玩遊戲又唔多朋友，攪左應該都唔會記得，幾乎唸住自己同佢響屋企買個蛋糕仔慶祝就算! 不過一世人有幾多個一歲oY! (我老公聽到即刻大笑) 都係攪個小小生日會，比佢做個紀念又好，當係同班朋友聚下又好啦!

我 地今次去左Natto BaBa o既米飯班主，滴滴尼酒店裡面間Goofy's Kitchen!! 佢地屬於Buffet形式，用餐時會有唔同o既滴滴尼公仔行來行去同D小朋友玩同影下相!!食物方面就唔好期望係大酒店水準o既野食啦，致在比D小朋友得 得意意開開心心!!我地選擇食Bunch，我相信Dinner都唔會有咩驚喜，而且又貴D，化算D就食Bunch算啦!!

Natto當日全程好開心，一D都唔怕D 大公仔(我有朋友仔既小朋友被嚇到喊) !!今次一試，知道佢唔驚，生日正日我地會請日假陪佢去滴滴尼公園玩囉~~ 雖然佢實唔記得，但我地希望留一個美好o既回憶比佢!!

不過玩到開心得滯，失左平衝，成個人撞左落門角，撞到個面珠同眼角，腫左呀陰公!!! 喊到"dum"哂腳" 痛死佢!!! 要由媽媽安撫返!! 最後終於喊完即o訓!!哈哈~~好彩唔係一開頭就撞親，唔係就掃興啦!!!