Natto的龍椅 @ 小娜執媽的部落格

經過連日來食o訓屙o既休養生息後﹐我o既宮縮情況開始好轉!!少左宮縮同埋縮o既時候無o甘大力﹐口服葯仍然繼續﹐再過幾日如果可以o既話我會試下唔食葯﹐始終食葯都唔係o甘好! 醫作早產最有效其實都係休息﹐呢樣我而家做到啦!

除左讀書時候放暑假有呢種悠長假期o既感覺﹐返左工﹐再無呢種感覺啦!! 有時都覺得自己好無貢獻﹐大食懶!!不過唸下我人生有幾多年日可以o甘嘆﹐頂多都係大兩次肚﹐都唔係好過份je!!我亦好慶幸自己唔駛為生活而煩惱﹐驚唔返工就無飯開﹐有好多媽媽為左生活﹐幾辛苦都要做﹐做到生先放產假!!唸落自己實在好幸運!! 所以我決心做個有d貢獻o既大肚婆﹐過埋今個禮拜我就會開始執Natto 間房﹐整理下家頭細務﹐等我老公唔好成日唔抵得我響屋企o甘得閒!!!

仲有唔夠三個月﹐我地粒豆就要出世啦!! 要準備o既野都開始陸陸續續要買﹐而衫仔方面就已經完全準備哂!!原來不知不覺我買左好多初生BB衫﹐本來想執人地o既舊衫﹐睇怕都無必要lu!大部份都係響日本旅行時買o既﹐仲有屋企人買黎o既衫仔都一大堆!!由初生到兩歲都有﹐有排著!!BB床亦已買左﹐不過未裝! 因為而家BB房o既顏色比較女仔﹐我地打算油另一隻色之後先裝床!

至於Natto o既龍椅(Carseat) 昨日已經送到我地府上啦!! 由頭到尾我都無咩參與到買carseat﹐車o既野﹐Natto爸爸最在行﹐做哂research﹐comparison﹐我都好放心任佢買!!結果買左部Recaro carseat(意料中事!!)﹐其實recaro係一間德國好出名做賽車椅o既公司!外面比賽o既賽車椅十張有九張都係Recaro出o既!!我老公一直都好想佢架車仔有Recaro seat﹐不過價錢當然唔平啦﹐所以由始至終都無擁有過Recaro!!而家有機會比佢﹐仲唔趁機話買比Natto黎滿足佢肚裡面o既Recaro蟲咩!! 不過點都好啦﹐最緊要安全﹐坐得Natto舒舒服服~

我地亦開始見尿片有平就入定貨﹐嘩!!原來上網有時真係好平﹐有唔駛自己抬返屋企﹐送到黎門口﹐超讚!!!