小娜執媽的部落格

我生命裡面不能缺少o既一個元素!無論係味覺上定係心靈上我都好喜歡甜呢個味道!我唸好少人唔鍾意唔喜歡呢種令大腦分泌多D多巴胺Dopamine( 一種快樂o既神經遞質) o既element!

雖然喜歡甜食﹐但係唯獨唔鍾意食朱古力! 事原係因為小學時代我有個花名叫做o雲呢拿﹐而當時最多人食o既甜筒係朱古力同o雲呢拿﹐自此之後朱古力就變左我"死敵"﹐哈哈~~到我長大之後我都仍然 係唔鍾意食朱古力!!唔駛返工o既時候﹐間中下午黎個sweet tea time會令人精神一鬆﹐舒緩壓力! Fruit crepe加cappuccino﹐連午睡中o既菲菲都即時彈起身分一啖!(佢係九屎垃圾都有佢份o既為食狗!)

我唔係一個coffee lover﹐以前覺得咖啡好苦﹐唔鍾意!大學時期見同學仔一個二個拎住杯Starbucks﹐唔通一定要飲Starbucks先似大學生?? 咩Latte﹐expresso我通通唔知咩黎﹐淨係睇戲見d人成日叫cappuccino﹐飲落都唔太苦﹐於是我成為了cappuccino lover! 應該話係我唔識飲其他咖啡﹐所以獨沽一味cappuccino!!嘻嘻~

虎視眈眈中o既菲菲!