回到蜜蜜月之北海道遊樂篇 @ 小娜執媽的部落格

由於馬爾代夫響聖誕檔期太太太貴o既關係﹐我地最終都係去左typical o既Honeymoon熱點--日本!!

我地今次幾經轉折(下減二百字) 跟團去左五日北海道再自由行去東京四日!!由於正值新年﹐所有(係每日有廿班) o既日本內陸機都爆哂﹐ 差一點點就要坐十幾粒鐘火車由北海道去東京!!好彩最後都比我地撲到兩張機票﹐嚇到我死死下!(經過上次唔識日文所經歷o既可怕經驗﹐我真係無信心我地可以成功由北海道去到東京)

跟團都ok﹐就係唔駛自己搵路﹐不過我老公就唔鍾意比人趕鴨仔!! 北海道真係一個好靚好靚o既地方﹐感覺好舒服!!仲要我地去o個幾日都落雪﹐雖然白色聖誕唔係第一次過﹐不過呢個係我地過得最美麗o既白雪雪新年