小娜執媽的部落格

去visitor center 打個轉先

當時己經行左超過20分鐘山路，仲係甘好笑容就知Natto係個行得之人

Inside the Lava Tube

沿途經過見到好多由火山形成蒸氣口，Natto 同爸爸無無聊聊又玩一餐

Natto似乎好鐘意個火山，但Kori就好似麻麻地啦

都幾靚架，不過如果想再近距離見到流動緊既溶岩，可以參加local 船tour，佢地會駛隻船去火山既另一邊，個度就見到真正流動中既溶岩啦

Natto 小小探險家

最後我地買左一本海龜圖書比佢地做手信! Natto 真係時不時拎出黎睇返!

好一個十分忙碌既2月!!!爸爸陪我地返左悶蛋國後連出兩星期trip，我一對二，少d 精力都唔掂，加埋時差，真係要強勁既意志先捱到!!

旅行又完左啦，但上個TRIP D 遊記仲係hea 寫緊，唉~~真係唔想爛尾，唔講廢話，寫埋先!!

上回講到DAY 3我地上晝去左black sand beach 睇海龜，下午近黃昏時候我地就出發去國家火山公園睇溶岩!!為左可以睇清楚D，太陽伯伯就落山但又唔黑哂既時候去就最岩，因為日頭太光未必睇到溶岩流出既顏色!!

首先我地去左visitor center 睇左一個"介紹返" 呢個火山既video，之後我地就開車去車程大概5 分鐘左右既lava tube(溶岩洞) 睇下啦! 其實都可以當係行山甘行，因為都環行一段路先到lava tube。 呢度我要讚下Natto，全程自己行，零扭計，Kori 行左5分鐘都無就要爸爸抱足全程!! Natto 呢個仔，由細到大都好少扭抱，所以帶佢去街非常放心! Natto & Kori 對於呢個黑蚊蚊既lava tube都好好奇，不斷周圍望，完全唔驚wor!

去完lava tube 我地要趕緊去睇火山口啦，因為太黑就只會見到溶岩發出既光而見唔到個火山口， 所以大家如果有機會去睇火山都要預返d 時間去到火山口觀景台，因為入黑後真係伸手不見五指架!! 我地終於見到由溶岩響火山口發出黎既光，雖然無清楚見到溶岩流動既情況，但都算係第一次近距離睇一個活火山!! 又上左一堂親子地理課^^

最後我地響火山公園既附近(10分鐘車程)既一間thai restaurant 食埋晚餐先走，因為大家都肚餓啦!! 真係估唔到荒山野嶺會有野食!! 不過當然係做遊客生意既地方啦，食物一般，有d貴架，不過就腳醫肚無計啦!聽日行程主要係去睇瀑布，繼續hea 遊Big Island~~^^