小娜執媽的部落格

Happy 龍年~

呢件賀年褸仔係一個叔叔響香港買比NATTO o既﹗係雙面都著得(黃色/桃紅)，我覺得黃色靚D，但NATTO爸係都要佢著桃紅色個面，攪到gay哂﹗

NATTO而家成日都奸笑，個樣古蠱到出汁﹗

大年初六啦﹗﹗同大家拜個遲年，祝大家龍年開開心心，身體健康﹗﹗

悶蛋國無新年氣氛，加上我坐緊月，所以一個字悶﹗﹗

我最近一日三餐都好想好想食甜品，或者甜野，我覺得可能自己有點產後抑鬱﹗﹗其實我產後三個禮拜已經爆煲左兩次，勁喊左兩穫﹗﹗為好少野而喊，發好大脾氣，
可能只係想食o既野食唔到，或者係兩個小朋友同時一齊喊，跟住就會挑起我D神經﹗今次比上次"鬱"得勁左好多﹗可能因為要應付兩個BB，壓力大。自已未適應﹗好彩
我老公響度安慰我，又幫手做哂D家務，不過攪到自己都病埋，真係萬分感激佢成日做我出氣袋，如果佢唔響度，我真係驚自己會掟個仔/女落街﹗﹗

所以各位爸爸們，盡量比多D關心你產後o既太太﹗雖然佢地可能好似好無理取鬧，不過其實大部份都係因為產後害爾蒙失調先會o甘，大家一定要多加體諒﹗﹗

今年o既新年願望係希望我兩個寶貝快高長大，健健康康﹗我地一家開開心心，相親相愛﹗(我唸呢個係打後每年o既願望﹗)
而我就修身成功，千其唔好變左肥師奶﹗﹗我唔貪心，比返個25吋腰，36吋PAT我就心滿意足啦﹗