小娜執媽的部落格

菲菲又要一齊玩

以下幾張相,我一路睇一路笑左好耐!!唔敢相信我個仔個樣o甘攪鬼!!

醉酒佬

Yo Yo~~ What's up!!!(果然係ABC格)

嘿!!!!!Don't mess with me!!!!!!

地中海行cat walk

Natto San~行cat walk唔可以流口水架

小休片刻

不耐煩啦

好辛苦先影到三個頭o既全家福!!

Happy 3 months, Natto san

三個月啦!! 過左幾日猛長期猛食奶後,踏入三個月,我發覺Natto真係大個左好多!!個樣越來越老積,表情多多,仲好鬼多野講!!!(唉.....希望屋企唔會有兩個長舌公)

三個月o既Natto,仍然係食媽媽奶!!仍然仲係一日7餐,比起奶粉B一日5餐,多左兩餐!!我估佢每次食媽媽奶都食到4安,每兩個半到四個鐘喊食一次!!出街好似升左仙,最耐試過五個幾鐘都唔駛食,一出街就搵周公公!!
上 個禮拜食奶食得好差,最後個餐最難餵,每次都掙扎,食三啖就頂出黎,好幾次都分個兩次食,有幾次仲食剩兩安(五安一樽)!!我習慣最後o個餐餵佢食奶樽媽 媽奶,因為埋身唔知食左幾多,等佢食多Do訓耐D!!而家佢活動能力好左,餵佢食奶有時簡直係同佢角力!左擰右擰,又踢腳,少D耐性都想中佢!! 最近呢幾日仲一路食一路玩,食兩啖埋身又望住你笑,又猛講野,真係唔知好嬲定好笑!!

體重仍然係生長線o既50%, 13lb 4 oz, 中碼B,唔算肥,仲未有兩舊饅頭響面珠度!! 手腳遺傳左我地兩個,幼幼長長,成隻雞腳!

手 腳控制能力大有進步,可以用手抓住玩具玩幾野,又會食奶時抓實我隻手, 好似渣奶樽o甘款! 暫時仲未可以食到腳趾,但開始伸舌頭食手仔!! 手仔已經可以支橕頭仔,頭仔可以仰起一段時間,不過有時見佢好似好辛苦o甘,一路橕一路大嗌!! 未識轉身,不過超反o訓,可以用腳仔踢起張被蓋住自己個頭(好危險)或者踢開張被,好多時半夜起身都見佢無蓋被,所以而家著睡袋o訓!!

我 覺得佢識少少認人,因為佢見到熟人(我,爸爸,麻麻同EE)會比較大反應,會大笑同大叫!見到陌生人會比較慢熱!!朋友仔方面,菲菲當然唔係佢朋友!!佢 兩個暫時河水不氾丼水,互當透明中! 佢最好o既朋友係燈燈,經常同佢談心,又成日對佢笑!我有時會扮燈燈同佢講野,佢又會笑!!仲有佢床仔個轉轉公仔,一見到佢轉就笑,一唔轉就大叫!! 好鐘意睇電視,會睇到講野大叫,又會眼定定!

講多左好多野,喊聲已經有層次,唔係淨係肚餓喊,又會唔開心喊,憤怒喊,同埋引人注意喊!!

算係一個硬淨B,單手扶住佢已經可以支橕到自己企響樹!好喜歡企,一企又會講好多野!!

都幾鐘意笑,不過唔笑時成日扮梁朝偉,咪住隻眼"就"眉頭!

湊左佢三個月啦,已經摸清佢o既作息時間!唔算好辛苦,只係仍然維持睡眠低質素狀態!!

我粒豆大得好快,簡直唔敢相信一年前,佢係由一條蟲蟲+一隻蛋蛋演變而成!! 生命太奇妙啦!