小娜執媽的部落格

我以前做開o個間醫院已經有遇過開刀王!!開刀王係一d好缺德o既醫生﹐佢地係又開唔係又開刀﹐因為開刀快靚正又唔駛等產婦pushing﹐開一個刀一個鐘攪掂﹐袋袋平安!!

而家做開呢間醫院絕少開刀王﹐因為大家都比較專業﹐太亂黎會比同行指指點點!而我今次遇到o既開刀王又係一名中國藉 醫生!!!真係shame on佢地﹐影衰哂我地中國人!!呢名黑醫o既開刀比率高達95%!!!佢黎o甘多次接仔﹐我只係接過佢一次順產!!佢真係變態架!!!一味同d產婦講你個 B太大啦﹐你生唔出架!!再唔係血壓高dd又話要開﹐人地作動未夠幾個鐘又話要開!!總之搵著佢就開硬肚!!佢自己本身又係律師出身所以好識保護自己﹐做 埋o甘多缺德o既行為都好少比人告!!真係天無眼﹐o甘無良o既人都可以做到醫生!!!

以前遇到o既一個開刀王就係如果你響晚飯時間都未生得出﹐佢就推你入去開刀!好恐怖架!!D產婦媽媽又唔識﹐醫生話BB有危險wor﹐仲唔開刀咩!!其實只係唔想阻住收工開飯o既一個藉口!!

唉................世態炎涼﹐咩人都有!!

希望大家都搵到個好醫生﹐唔好成為呢D無良醫生o既刀下媽!!