小娜執媽的部落格

今日接o既兩個patients都係第二胎o既 hispanic﹐兩個都好active﹐真係驚會兩個同一時間一齊生!!一直都覺得hispanic係一個生仔o既種族﹐每個女人都最起碼要生三四個先 可以收工。我認同生仔的確係女人o既天職﹐係要生o既! 不過就好討厭D男人(老公或男朋友)同佢地o既屋企人當女人係生仔工具!!

生仔係一件身心都好辛苦o既事﹐我見過o既patients全部都受不同程度o既痛苦先可以生到個仔出黎﹐雖然科技先進﹐生仔已經唔駛好似以前o甘辛苦﹐不過絕到唔可以話舒服!!

最唔鍾意D老公屋企人當BB一出世之後﹐即時當媽咪係透明!!好似"得啦﹐你攪掂啦!!我唔駛理你住!!"我明白大家都對BB好好奇﹐不過勞苦功高o既媽咪響呢個時候都好需要人支持同安慰!!

今日我個patient o既老公就只係掛住睇BB同出房打電話報喜比佢屋企人﹐老婆響入面痛死都無睇一眼!! 好殘忍呀!!!

以後我一定唔會做人o既生仔工具﹐一定唔會為其他人o既一己之慾去生仔﹐要生一定要係我自己好想生先會考慮!!誓不做別人o既生仔工具!!