最近因為一D事令到自己好神經質﹐過度緊張﹐係時候要鬆一鬆!!聽日我要陪太子去公幹﹐今次去我從來無踏足過o既東邊﹐一個凍到飛起o既地方!我地呢D新奇士橙人慣哂熱辣辣o既天氣﹐突然要去天寒地凍o既地方真係怕會頂唔順!
新居入伙，試住中~
目前分類：私人感覺 (56)
- Feb 16 Tue 2010 07:00
我要鬆一鬆!!
- Nov 17 Tue 2009 07:57
如果我是空中小姐
Yahoo blog裡要有好多空中小姐/少爺BLOG!有時睇佢地呢度去o個度去﹐真係有一刻衝動想走去做空姐﹐橫豎而家做空姐又唔駛靚又唔駛高!!雖然福利人工就麻麻架啦﹐致在有廉價機票﹐又可以喻工作於旅遊﹐好似好吸引!!
只可惜我而家已經有左家室﹐再唔係一隻自由自在o既無腳bird﹐就算我老公肯﹐我自己都唔好意思去做!同埋我呢d 做慣粗重功父﹐擔擔抬抬﹐接慣仔o既執媽﹐你叫我陰聲細氣去問d客"chicken or beef?" 我唸我未必勝任!再加上要我呢個懶人日日返工化"行"妝﹐no way啦! 呢d高級工作都係無我份x__x
- Nov 12 Thu 2009 07:47
生命中不能缺少的甜
我生命裡面不能缺少o既一個元素!無論係味覺上定係心靈上我都好喜歡甜呢個味道!我唸好少人唔鍾意唔喜歡呢種令大腦分泌多D多巴胺Dopamine( 一種快樂o既神經遞質) o既element!
雖然喜歡甜食﹐但係唯獨唔鍾意食朱古力! 事原係因為小學時代我有個花名叫做o雲呢拿﹐而當時最多人食o既甜筒係朱古力同o雲呢拿﹐自此之後朱古力就變左我"死敵"﹐哈哈~~到我長大之後我都仍然 係唔鍾意食朱古力!!唔駛返工o既時候﹐間中下午黎個sweet tea time會令人精神一鬆﹐舒緩壓力! Fruit crepe加cappuccino﹐連午睡中o既菲菲都即時彈起身分一啖!(佢係九屎垃圾都有佢份o既為食狗!)
- Jul 13 Mon 2009 02:41
週期性低潮
最近心情係.....焦慮﹐忐忑﹐嘗試唔唸到沮喪.......
人生總有起有跌﹐有時面對困難﹐想解決又解決唔到時真係好灰!!我唔係一個樂天主義者﹐好多時都會將事情向壞o個方面唸﹐令到自已唔開心!!其實事情未必係o甘壞﹐但係自己又心急﹐問題唔即時解決就會好忐忑﹐越唸越壞!!
- May 19 Tue 2009 14:39
愛上女主播
我真係好鍾意睇舊o既日劇韓劇﹐一個人響屋企無聊o既時候睇舊劇就令人回想當年睇呢套劇o既心情!
已經係2000年o既韓劇-->愛上女主播!!當年仲係讀緊college﹐做完功課就一直煲呢套劇﹐睇到我好 肉緊!!兩人唔同背景o既女仔爭做女主播o既故事唔係最吸引我o既地方﹐ 最令我喜歡呢套劇o既係其中一個男主角﹐由張東建演o既電視台太子爺!!超細心浪漫o既一個男生﹐佢o既專一同埋細心真係令我迷到暈一暈﹐當然唔少得佢係 一個靚仔﹐嘻嘻~令我好wonder世界上係咪真係會有o甘好o既男人!
- Feb 01 Sun 2009 02:37
人日回歸
終於終於都重回我個blog仔!!呢兩個月係我人生最忙又最開心o既日子!!一直都無時間update﹐真係覺得自己好懶(as always)!! 而家終於咩都攪掂哂﹐可以響人日Update返我呢兩個月o既美好回憶!!!!
2009年開始﹐我o既人生upgrade左去另一個stage~ 我去左嫁人!!! 響一個熱哄哄o既香港完成左我地o既人生大事!!! 我而家係人地老婆﹐人地個新抱﹐仲突然多左一堆親戚!!生活上其實無咩大轉變﹐只係會"唔慣地"叫"老公"(因為拍拖以來從未o甘樣稱呼過對方)我相信我 o既另一半都唔係好慣!! 我會強行地叫自己起身煮早餐比老公食!(仍然未能每日成功)響發脾氣之前我亦會再三思﹐大家對住成世﹐成日發脾氣對大家都唔好﹐我覺得我控制左40%~ 雖然拍左拖6年﹐但係結左婚始終感覺都同以前拍拖唔一樣!!我覺得自己EQ高左DD~~哈哈~
- Oct 08 Wed 2008 02:02
有者改之﹐無者加勉
記得細個時一個鄰居伯伯成日講一句說話:有者改之﹐無者加勉!! 我一直都好記得佢呢句說話﹐直到而家雖然我都未可以完全做到呢句說話o既道理﹐不過真係一個好道理!!
中國人傳統﹐長輩好少會讚後輩﹐多數都係有無都話左你先!!有時被人無理地話的確係會唔開心﹐不過冷靜落黎唸返點解人 地要話你呢?出發點係咩呢?只要能夠掉返轉頭響人地o個邊唸﹐好多事都唔會有爭執﹐自然會家好月圓!! 有者改之﹐無者加勉即係話有人道出你o既不是﹐如果係事實就改正﹐要是唔係事實﹐亦唔需要勞氣﹐就當係人家勉勵你啦!!
- Sep 21 Sun 2008 01:36
潛意識在投訢
最近我接二連三o甘發夢夢見自已響毫無準備下就要結婚﹐好可怕~ o禽晚又係﹐夢到自已連衫都唔記得改﹐又無化妝set頭就要行禮啦~仲要係比個親戚話間酒店D野食唔得。。。唔知係咪潛意識o既反射﹐可能我好擔心自己個 wedding會攪得唔好﹐但係現實中我成日都同自已講"just want to get over with" 其實我好想好想放一個relax o既假期﹐好好休息下﹐比自己抖下!!
我覺得呢一年都幾累下﹐2009年比我過得舒服D就好啦!
- Sep 16 Tue 2008 01:28
共勉之
記得從前響nursing school時﹐成日都好驚會畢唔到業﹐見住一個一個同學離去﹐心裡就越黎越驚﹐唔知幾時輪到自己!! 響third yr o個年o既 精神科rotation最後一堂﹐ professor叫我地每人拎一樣野去encourage自己同同學﹐我就帶左孫燕姿 o既WE WILL GET THERE去比大家聽﹐因為我覺得呢首歌好勉勵性!!響人生失意時﹐只要唔放棄﹐美好o既明天一定會響前面等住你
- Aug 26 Tue 2008 00:57
正能量VS負能量
原來工作太多會令人產生負能量﹐或者我今次真係有少少搏左D﹐over 左自己limit﹐攪到成日發脾氣(再加上週期性唔舒服)﹐好DOWN tim!! 唉。。。我成日安慰自己只係短時間Je﹐只要儲一筆錢去大旅行同埋一少部份o既裝修費就得架啦﹐結完婚就會好好多~
其實我知道如果我開口同老豆講﹐佢一定會support我裝修o既事﹐不過作為大女o既我已經食屋企食左廿幾年﹐工書 教學﹐咩都夠啦﹐我已經無咩貢獻屋企﹐更加唔想再擺大手板問屋企﹐所以我今次好勇敢o甘擔起左成頭家(我自己o個個)﹐無問老豆!!雖然係好辛苦﹐不過我 會努力o既!!比D正能量我啦!!年尾就係我收成o既時候啦﹐到時我要玩過夠食過夠!
- Aug 23 Sat 2008 00:56
工作的原動力
我其實係一個懶人﹐雖然未至於懶到出汁o個隻﹐但係一定唔係工作 狂﹐喜歡日做夜做o既人!! 我努力工作o既原動力( long term)除左想過好D o既生活﹐改善我o既四星級的家﹐同埋每年一大旅行外﹐short term就係工作過後返屋企可以見到想見o既人或物﹐例如我隻小菲!!每日放工時兩個鐘我都會特別努力工作﹐因為一唸到仲有一陣就會見到佢地我就會好興奮 ﹐突然turbo up!!!雖然返到屋企無即時衝埋去大嗌"好開心見到你"﹐的的確確呢個係我工作o既動力之一!
呢幾日返到屋企只會見到菲菲﹐有點兒若有所失﹐不過就多左D時間靜靜思考﹐心情平和舒服!! 間唔中可以獨居一下靜化下心靈﹐都未嘗係一件好事!特別係對於我呢類EQ比較低o既人
- Jul 16 Wed 2008 08:36
我有壓力
最近真係好大壓力﹐攪到個人好似就黎爆炸o甘﹐好辛苦!!!最大壓 力應該係間屋啦﹐由年頭整到而家都仲未整好﹐D裝修工人又唔聽話﹐成日慢慢做拖得就拖﹐身邊o既都有少少支持﹐不過有時反而更大壓力!每日返到屋企又係一 句"點解今日都無咩進展架?"一覆日﹐足足半年﹐生活響亂糟糟又大塵o既地方﹐心情好極有限!!加上呀媽成日哦哦哦﹐根本幫唔到手之餘仲令人更焦急﹐ 唉。。。真係唔應該叫佢黎!!太耐無一齊生活原來真係會相處唔到!!我睇黎都係同屋企人無緣﹐由細到大都自己出國生活﹐一住埋就好唔自在﹐唔知點o甘 啦!Too bad。。。。
- Jul 15 Tue 2008 08:35
.......................
I am Tired and Unhappy!!!!!!!
- Jul 13 Sun 2008 08:32
女強人唔易做
終於完成左六日turbo式工作﹐原來今個禮拜已經工作左六十個 鐘!未來o既日子我都會係o甘﹐以前返三日放四日o既悠閒生活要暫告一段落!不過我o既Ultimate goal仍然係提早退休響屋企嘆世界同比人養!!哈哈~我可能唔係一個o甘以事業為重o既人﹐另一個講法係比較懶﹐事業一定唔係我人生最重要o既野!
- Jul 05 Sat 2008 08:15
絕對男友看後感
唔駛一個禮拜已經煲完呢套日劇﹐因為實在太好睇﹐連同我屋企o既B先生(即係之前post左一大篇o甘大把o既Mr J﹐或者係佢o既最後一post) 一齊唔理眼o訓睇到劇終為止!最後本來由程式操控o既理想男友robot因為真正愛上左主人而產生程式以外o既自我意識!原來以為係一套喜劇又攪到我喊濕 六張紙巾。。。
- Jun 25 Wed 2008 07:04
絕對男友
好耐都無睇日劇啦﹐最近同事話有套日劇幾唔錯叫around 40﹐講現代女性過左某個年齡都未搵到伴侶﹐久而久之要求越來越高更越黎越難搵到另一半!!好似都幾有趣o既題材﹐不過仲未有得睇住﹐比我發現另外一套日 劇<<絕對男友>>都幾好笑好輕鬆!故事講女主角一直想搵到自已理想男友﹐不過次次都失敗收場﹐結果偶然下遇到一間怪公司專門製 造為你度身訂做o既絕對男友。。。之後robot男友同女主角就發生左一連串趣事。。。
真實世界上﹐理想男友真係好好難搵到!!要靚仔老實要有腦有學識有情趣識浪漫有愛心會保護女朋友等等等。。。。是但 中兩個條件都好難!!到底係女人要求越來越高﹐定係男人質素每況越下呢? 我唸大部份o既女仔只係想搵一個可以守護自已身邊o既人﹐就好似女主角一樣想要一個"守護在身邊的騎士"
- May 17 Sat 2008 06:17
萬個破碎的心
5月12日。。。我響日本涉谷shopping and Shopping,另一邊響四川。。。成千上萬o既人一刻失去家人家園!!
- Apr 01 Tue 2008 04:38
老左
做左home health之後多左接觸老人家!!每次去探佢地o既時候都會令我有所感概﹐佢地每個背後都有一個故事﹐做過軍人﹐貴族﹐貢獻過社會貢獻過家庭﹐成功過失敗過,不過到最後佢地都係一樣逃不過歲月催人﹐老弱病死!!
今日其中一個病人伯伯就被呃左一隻手錶﹐但係佢都無辦法﹐記性唔好﹐唔記得好多野!!人老左﹐係咪一定就會o甘脆弱﹐被遺棄﹐被忘記!!??
- Mar 17 Mon 2008 04:27
我有壓力
最近好似患上大食症同無甜不歡症﹐每次食完飯都好想食甜品﹐又好快 就肚餓﹐差D以為自己有左!!我唸應該係最近有壓力﹐兩件大件事﹐其中一樣正進行得如火如荼﹐另一樣又準備再開始啦﹐兩樣都係好勞神o既事﹐真係好辛苦! 不過過埋今年就會穩定落黎享受努力得來o既成果。。。唉點講都仲有9個月!!!有排。。。
環遊世界 (16)
