小娜執媽的部落格

記得以前讀書好多假﹐間唔中都會去下小旅行﹐有時會去Vegas﹐三藩市都係我地成日去o既地方!唔知有一年o既紀 念日﹐我地去左沙漠慶祝!!哈哈~PALM SPRING-->一個比Vegas仲要沙漠o既地方!!好熱又好乾﹐除左響室內shopping都唔知做咩好!!我地唔係好Shopping o既人﹐所以終日留響酒店!(應該係旅館)

呢間野係響網上無啦啦搵到o既﹐全間野只得四間房﹐係日式o既小旅館!!後來先知原來係一個美國伯伯同佢個日本老婆退 休之後開o既!! 係一間完全唔新但係都算乾淨o既一間旅館﹐包一個日式早餐﹐好似唔駛一百蚊美金一晚﹐裡面仲有泳池﹐不過我地無游! 都係一間幾得意o既Motel﹐同平時成日住o既酒店好唔同﹐個owner都幾friendly﹐唔錯又大膽o既新嘗試!!

今年渡過左最無plan又無禮物o既特別日子!!今年同上年心情好大差別﹐上年心情麻麻﹐因為o岩o岩簽約買樓﹐知道未來個大擔子之後﹐由興奮變depressed!!雖然有特別地方慶祝﹐不過唔知係咪心情唔好﹐胃痛到不得了﹐半夜就要走人!!

今年無特別慶祝﹐講明唔買禮物﹐結果都真係無禮物~~不過過得好開心﹐好滿足!!我地兩小口去左做咕喱﹐去搬搬抬抬將 新傢私搬返屋企﹐食左一間好幾年無去o既日本料理﹐仍然係食左貴都唔值o既sweet shrimp sushi(盛惠$18 美金兩件﹐但唔係高級壽司店) 雖然呢一日真係太過簡單太平凡﹐但係我覺得好滿足﹐好喜悅!!

第幾個一起渡過的生日﹐第幾個一起切的蛋糕﹐收到的第幾份生日禮物通通都不重要﹐重要的是旁邊的那個人仍舊是我的大舊臭~

歲月不撓人﹐我想這句話大家還未感覺到﹐因為無論是外貌上﹐心態上我還是覺得他從廿歲那年就停留了﹐或許加了一丁點 的成熟﹐話哂己出來做事好幾年﹐總不能像從前那樣傻乎乎~ 今年的驚喜經過上一年的失敗後﹐今次徹底成功!!!哈哈~在毫無預計的情況下把他嚇倒了~~希望我的小小心意你都收到了﹐雖然不是什麼特別的驚喜﹐又沒有 什麼貴重的禮物﹐不過全是我的一番心意。

天口熱﹐實在不想煮飯﹐不過我的麻煩管家公時常口邊掛著"出街食飯唔好呀﹐好多油又有味精"﹐但自己卻極喜愛吃剪炸油 多食物﹐激死!!為了滿足他和訓練自己做賢妻良母﹐多熱我都會下一下廚-->做冷麵~ 一走進mitsuwa﹐不禁興奮起來﹐買東買西結果整了個超級猛料冷麵出來﹐比起出街食還要貴哩!!材料包括萵麥冷麵(低calorie食左唔會肥)﹐日 本新鮮野生(盒上寫著Wild)帶子Sashimi﹐玉子﹐日本長腳蟹腳﹐北寄貝﹐日本青瓜。 帶子真的是鮮味無窮﹐比在外吃的更鮮﹐難怪要7蚊雞三粒仔!! 希望這個大冷麵能為我們的初夏帶來一點涼快~

兩小口子又再行mall~ Weekend都不知有什麼節目﹐悶旦國ma﹐真的要費神唸節目。最近shopping都只有呀B有收穫﹐他今次又買了對鞋﹐令我也有點手痕﹐所以我也買埋一份。

一個小手袋﹐不是什麼大brand﹐TOUS﹐from Spain。http://www.tous.com/

終於finish兩大樽Qoo﹐全部由我KO﹐雖然只有2000ml﹐不過一向飲野只是"咪咪"下的我也花了幾天才攪掂! 買了兩支Qoo﹐全因為被個樽上的招紙吸引著。好可愛哩~我們打算一人一個用來放office/醫院當水樽﹐一來又不是太大﹐方便放置﹐二來是情侶Qoo 哩﹐我用蘋Qoo﹐呀B用橙Qoo。其實這兩支Qoo味道還不錯﹐雖然只有20%果汁﹐差不多$3,於Costa mesa Mitsuwa有售。沒有在其他附近的Mitsuwa見過哩﹐不過Qoo香港也有賣﹐而且都不便宜。日本人頭腦真厲害﹐包一包裝﹐又可以賣貴點~ 收買了很多妹妹仔的心~~我也是其中一份子﹐雖然怎麼也稱不上"妹妹仔"這寶號

剛看完呀銀的新婚蜜月blog﹐ so sweet 哩!!有大朋友這樣一個老公確實很幸福^^
今日才知道原來大朋友名叫John~哈~我對這個名字的看法第一感覺是很老土﹐覺得是人們求其搵個英文人名﹐最緊要簡單易記﹐仲要夠易寸!!就等於女仔的Mary同Betty一樣﹐typical typical 的英文名字。