小娜執媽的部落格

我"不幸"地比Kori 寵幸，被要求陪佢坐飛機!好彩佢全程都算合作，無扭計!

最初佢唔肯帶Headphone架，後來比我游說成功，終於肯自己睇下電視，比我休息一下!

10個多小時後，到著!!大家都有訓覺，精神奕奕落機

落機後再坐Skyliner 去我地住既上野已經係黃昏六點! 返酒店梳洗一下就落街搵食!!本來想去預定既地方食野，不過唔想佢地太舟車勞動，所以最後都係響上野食烏冬!

返到酒店大家都頂唔順訓哂!!第二朝一早兩小鬼起左身玩霧水!

 **********************************************************************************************************************************

我D 遊記有幸寫得完，真係要比個叻自己!!! 可惜我成日都爛尾。。。。唯有寫得幾多得幾多，希望我老左拎返出黎睇下可以笑下!

有睇開我地BLOG 既朋友仔都知道，我地最常出現既地方除左悶蛋國就係日本!!(比返香港仲要密) 無計，我兩公婆都好鍾意呢個地方，因為實在太多好野食同靚野買(此項與我老公無關!!)

Natto 同Kori 開始大d，我地終於可以"侵"埋佢地玩啦!!  今年新年返香港我地響東京留左四日三夜! 兩小鬼第一次去日本就已經愛上了(係咪遺傳??!!)， Natto間中都有問我幾時再去日本(好快架啦，我唸) 不過第一次帶佢地去當時冬天既日本我都有d 擔心，驚佢地會凍親，所以我今次重裝準備，其實有少少多餘，因為日本除左室外，室內暖氣大開放，所以一件好既底衫+一件好既羽絨就已經夠哂!
由於帶住佢地兩個，今次旅程無食好野啦，餐餐都拉麵烏冬定食!不過唔緊要啦，因為去完東京我地會放低佢地兩個響香港再同一班朋友去北海道，到時再喪食都未遲!!