Natto一個禮拜大人仔啦! 
我 由佢出世開始,我堅持埋身餵人奶,每兩至三個鐘都埋身餵!! 過程非常艱辛,頭兩日簡直係行屍走肉! 大家都唔熟埋身餵埋身食,nipples好痛,又唔知佢會唔會餓親因為頭兩日未上奶,雖然知道BB頭幾日胃仔好細,少少黃金奶(初乳) 就夠食,但始終初為母都係會特別緊張D!!
當中亦有阻攔,我奶奶同媽咪兩個夾攻我!猛話BB好口乾,點解唔比水佢飲,又話甘耐無尿痀得唔 得架(因為有一日Natto只痀左兩次尿,唔夠數!) 我自己都因為甘擔心左一輪,自己pump左奶出黎餵佢飲,但係佢唔係好識食奶咀,又試過叫姑娘比F我有針管餵左佢幾cc奶,不過N食得好慢好慢!! 不過最後我都堅持到底~而家一個禮拜啦,都可算成功暫時全人奶,而Nztto D尿尿+臭臭都夠哂數,幾乎每餐都有尿尿,臭臭亦隔餐都有!不過Natto 每餐都食得唔耐,每邊食5-10分鐘就收工,通常食第二邊之前都會訓,要開佢片(尿片)先起身食埋另一邊,我地見佢片片夠數都唔太擔心!
各位想餵人奶既媽媽要加油,堅持到底呀!!到最後一定會大成功架!!
小Tips: 
頭一日BB胃仔只有大約5cc,好似一粒車厘子甘大,真係幾滴仔都夠哂!!頭幾日可能片片唔夠數,不過如果BB唔係太黃,醫生話無問題就OK架啦!頭幾日未上奶都要緊持比BB啜,因為BB要啜先會S大腦比message乳腺造奶!BB一定要啜埋乳暈先唔會啜損乳頭,如果BB啜奶時會痛就即係BB啜得唔岩,要即刻停,等BB個咀仔完全張開先放乳頭入去! 萬一損左就用羊脂膏搽下!餵奶前用熱毛巾fu下兩邊胸,有助擴張乳腺!夜晚都要起身埋身餵,因為夜晚造奶hormone特別強勁,夜晚餵會造更多奶!Pump始終夠BB啜甘好,所以盡量埋身餵如果BB啜唔哂就pump出黎,一來唔會脹奶,二來等個腦知道一餐既奶量,K住造奶!總之多埋身少用Pump!
希望大家成為一個成功o既奶媽!
留言列表
環遊世界 (16)
