小娜執媽的部落格

入廚週記:

將200毫升豆漿加熱至微熱,加上淡忌廉+鮮奶煮熱到剛剛出少少煙即熄火!

我本身都幾鍾意食甜野,生完Natto後愛甜程度升級,基乎每晚飯後都口痕痕心思思想食甜品!! 我屋企個雪柜已經有5盒唔同味既oHa"agen-Dazs雪糕啦!!

最近芒果非常o甘當造,攪到我都忍唔住買左幾個返屋企!!

新年o個個weekend我邀請左d朋友仔同佢地o既BB仔黎我地屋企食甜品!! 呢次我又係整返除夕夜o既甜品﹐不過就改良左少少!整八人份真係忙到傻﹐又忘記左影相!飲恨!!  本來想整埋綠茶紅豆蛋糕﹐不過下晝去左睇AVATAR攪到我無左成個下午﹐加上仲係病緊體力不足所以就無整啦!

o禽日屋企宴客﹐飯後整左小妹拿手甜品creme brulee!!大家都知道creme brulee係由淨蛋黃整成o既﹐o甘D 蛋白點算呢? 當然係整佢o既姊妹甜品-->梳乎厘啦因為梳乎厘係由蛋白整成o既!!所以一整親creme brulee﹐第日就要整梳乎厘(or reverse)

兩樣都係好易整o既甜品﹐唔駛一個鐘就會完成! 上次我同奶奶第一次整梳厘﹐簡簡單單整左個原味﹐有D似紙包蛋糕味﹐今次我就試下薑汁味梳乎厘!!我同公都覺得薑汁好味D~~不過唔明點解我個梳乎厘每次出爐都係斜o既~~?

從來無整過墨西哥野o既我因為響醫院食完個好味o既Chicken Quesadilla﹐決定膽粗粗整比我老公食!!

原來好易整架!只要將青紅椒磨菇同埋調味之後o既雞比肉炒起再將芝士放落Tortilla(墨西哥薄餅)落烤溶﹐再 將炒好o既雞肉包落tortilla度﹐就成為左好味o既ChickenQuesadilla!! 我仲整左最o岩夏天食o既shrimp ceviche(墨式沙律??) 不過味道偏酸﹐仲要有待改良!!

我家o既媽媽同我老公一樣都係住家人﹐喜歡在家食﹐所以我地下廚為佢慶祝媽媽節!今次大部份o既食送都係我老公煮﹐仲煮得好好味﹐食到我奶奶不知幾開心!! 叻叻^^ 大半個下午﹐三食送加一個蛋糕!!滿足哂三個人o既願望!!

賢妻良母又出動啦!!其實唔駛返工o既時候我多數都會煮兩味比我個住家男食! 不過唸"食送"真係一樣好煩惱o既事﹐出面o既食譜書係就係色香味﹐不過好多材料都唔知響邊度買﹐美國D market雖大﹐但係都唔夠香港City Super ﹐吉之島o甘多品種!!好彩而家好多飲食blog﹐有哂簡單家常菜o既做法﹐有時我會加加減減mix & match﹐o甘就一餐住家飯啦!我老公好鍾意食bacon﹐不過D o甘肥仔o既食物我係甚少煮架!前幾日去食拉麵時食左一個煙肉包露筍又幾好食﹐於是今晚試下先!另外再黎一個自創o既瑞士汁炒烏冬!!

煙肉露筍整法超簡單:

前幾年我開始聽人講關於養生食品﹐養生食療!!o個時我覺得養生?關我咩事﹐我又病無痛﹐做咩要養生!!? 不過隨著年紀增長﹐哈哈~唔知由幾時開始我會上網搵食咩可以保養身體﹐可以養顏!!特別特別響我發現左眼下面多左一條細紋之後﹐我終於明白女人唔保好易老!!

於是我呢排經常飲紅"早"圓肉茶﹐呢樣係我呀媽叫我飲左幾年我都唔肯飲o既﹐因為我覺得紅"早"味道好怪!!不過同 埋圓肉一齊煲之後又幾好飲!!仲有無啦啦比我響屋企發現呀媽唔知幾時帶過黎o既花膠!!聽講花膠有好多膠質﹐對皮膚好~ 所以我又走去煲響螺雞湯﹐原來都幾好飲!!

最近我都唔知自己算係忙定唔忙﹐成日想update blog﹐一唔係突然要加班﹐再唔係就有朋友約左出街﹐再唔係就響屋企整呢整路到最後又要o訓啦!! 呢排我開始飲中葯調理身體﹐始於身子弱D(但又無見財多)﹐平時連飲王老吉都覺得苦o既我﹐一連似左十幾廿劑苦茶﹐好辛苦!!早晚一次﹐好難飲!!希望身 體都好返D啦~ 另外比我前租客亦係我同事激親﹐話搬就搬後來仲想欠租又整壞廁所﹐講真我全家都對佢地不薄﹐估唔到最後因為小小錢連朋友都無得做!!!亦令我睇清楚一D人 性真面目!!呢件事確實令我好唔開心。。。。

天氣開始熱啦﹐夏天好快到啦!! 今日已經係四月頭﹐時間過得好快﹐但係有時我真係覺得好慢!! 快D啦。。。我想到快D到年尾!!!(妙想天開)

最近我好懶﹐成日唔想update個BLOG﹐ 拖拖下拖到今日!!不過我都唔係懶得哂﹐起碼呢幾個星期﹐我煮左好幾餐飯!!又試左兩樣從未煮過o既野! Creme brulee 同risotto﹐兩樣都好成功^^

原來creme brulee係好易整架﹐不過要專登買支火槍﹐成三十蚊美金!! 以後要成日整﹐唔係就好浪費!! 整Creme brulee係只需要用蛋黃﹐於是每次都淨低好多蛋白!!點算呢? 於是我就整左幾味蛋白"食送"﹐有日本菇蒸豆漿蛋白﹐花雕蛋白蒸蟹!! 成功比我用左D蛋白又有好野食~~