潛水已經成為我呢個全職媽+半職女工既慣常動作!! 之前因為D yen 跌，攪到我呢個敗家媽媽又再失控，瘋狂地上日本Website買野比對仔女!! 我唸有響日本website
買過野既blog友仔都知，日本d site買野幾鬼麻煩，又要翻釋又鬼甘多靚野，攪到我一睇一買就一日啦! 總算幫佢地換左季!
買過野既blog友仔都知，日本d site買野幾鬼麻煩，又要翻釋又鬼甘多靚野，攪到我一睇一買就一日啦! 總算幫佢地換左季!
新居入伙，試住中~
目前分類：產房事 (53)
- May 31 Fri 2013 07:15
產房駭人事件簿
- Jul 27 Fri 2012 05:21
如何成為悶蛋國護士呢?
有好幾次有BLOG友仔問我響悶蛋國做護士既事，我都未得閒一一回覆，不如就等我講下我D血淚史啦!!
- Apr 17 Sun 2011 06:53
第一次遇到切除子宮保命case
我工作生涯中o既第一次, 因為產後大出血因而要子宮完全切除! 比想像中黎得平靜, 雖然四個鐘頭o既手術企到腳仔軟(平時開刀最多一個鐘)
- Jan 11 Tue 2011 02:59
女人最痛
我幾時都覺得女人一生人會經歷好多大大小小o既痛!!
打從青春期開始,每個月都要痛一次!小則陰陰痛,大則痛到嘔!!(真係嘔o個隻!!) 如果你完全唔痛,恭喜哂你! 只有好少數o既女人月經黎時唔會痛!
- Dec 21 Tue 2010 02:13
終於要結束了,我的悠長假期............X_X
好多謝大家對我地o既祝福!!我相信我老公一早接收哂架啦,因為佢o禽晚成晚陰陰咀笑!!
- May 18 Tue 2010 09:22
巨B週
上個禮拜唔知係吹咩風,接親都係巨B!!! 一個差不多10磅,一個11磅!!!兩個都順產,勁!!!
如果比著響以前間私家醫院,一check到BB超過9磅,二話不說就會叫你去開刀啦!因為生巨B都有危險,好容易出到 個頭出唔到shoulder,o甘BB就有生命危險,所以好多醫生都唔會搏!! 我接呢個巨B case時都以為佢會開刀,不過我地呢間teaching hospital 會比機會病人試左順產唔得先開刀,佢地都係大無畏精神D!!
- Apr 04 Sun 2010 08:45
兩個早產B..........
上個weekend接親到係早產B!! 
一個救得返一個救唔返x___x
救唔返既係一個27週既B仔! 媽咪入到院,BB已經響產道啦!我地turbo手將佢過床後唔駛1分鐘,成個胎膜連埋胎盤都出左黎!BB仲係響胎膜裡面,比瘀黑色既羊水浸住,郁都唔郁, 我地叫左NICU Team過黎,唸住27週應該無事,不過原來BB本身有問題,嚴重發育不良,身型大概同Natto差唔多,不過佢大Natto起碼10週!! 媽咪好傷心,不斷喊,爸爸在旁不斷安慰都無用!! 我地後來問媽咪想唔想見BB,佢話想~於是就剪開左胎膜,抱BB出後包好比媽媽抱下! 呢一剪係由我操刀,一剪開就見到BB啦~ BB有手有腳有哂手指,隱約見到呢個係一個男B,睇大細應該唔多於20週! 同一個正常BB無異,只係頭仔壓扁左!
- Feb 10 Wed 2010 06:52
I can't believe I am pregnant???
悶蛋國之前有個節目﹐講述一D女性居然到臨盆要生o既時候都唔知自己有左BB!我對呢個節目o既真實性有D質疑﹐點會有人月經9個月唔黎﹐個肚越黎越大﹐加埋BB胎動都唔知自己大肚!!一個正常女仔都唔會對自己身體o甘無知卦!!??
- Feb 04 Thu 2010 06:43
開刀王
我以前做開o個間醫院已經有遇過開刀王!!開刀王係一d好缺德o既醫生﹐佢地係又開唔係又開刀﹐因為開刀快靚正又唔駛等產婦pushing﹐開一個刀一個鐘攪掂﹐袋袋平安!!
而家做開呢間醫院絕少開刀王﹐因為大家都比較專業﹐太亂黎會比同行指指點點!而我今次遇到o既開刀王又係一名中國藉 醫生!!!真係shame on佢地﹐影衰哂我地中國人!!呢名黑醫o既開刀比率高達95%!!!佢黎o甘多次接仔﹐我只係接過佢一次順產!!佢真係變態架!!!一味同d產婦講你個 B太大啦﹐你生唔出架!!再唔係血壓高dd又話要開﹐人地作動未夠幾個鐘又話要開!!總之搵著佢就開硬肚!!佢自己本身又係律師出身所以好識保護自己﹐做 埋o甘多缺德o既行為都好少比人告!!真係天無眼﹐o甘無良o既人都可以做到醫生!!!
- Jan 20 Wed 2010 05:22
BB潮@下雨天
一連幾日落狗屎﹐除左令我每日提心吊膽好驚自己間木屋仔會穿窿之外﹐亦為我醫院帶來無限o既生意額!! 月圓同下雨天﹐B仔B女就好似等唔切o甘一個又一個o甘"捐"出黎!!
大爆"支力"!!!!!!!!!!!!!!!!!!!!!!!!!!! 由 朝早7點一直忙到放工夜晚7點半﹐兩點先Lunch﹐接完新症又生﹐生完順產又開刀﹐做到我又d氣餒!! 遇上超懶o既同事成日叫極唔郁﹐又比D惡o既同事點你去做東做西﹐再比個黑媽大大力捉到你隻手留下紅痕之後﹐有一刻我同自己講"此地不易久留了"!! 聽聞遲d幾個長註醫院o既醫生會開多幾間Clinics﹐即係話我地將會再多好多客仔!!!大事不妙了!!
- Jan 10 Sun 2010 04:01
B哥B姐~可唔以等我準備一下先出黎!?
悶蛋國o既墨藉媽咪除左好生養之餘(起碼3胎)﹐仲超易生!經常性地入院唔夠一陣就"beep"左個B出黎﹐或者無啦啦陣痛時作嘔﹐一嘔連個B都嘔埋出黎!
- Oct 12 Mon 2009 04:47
愛滋爸
今日一個20週o既patient有著一個不平凡o既男朋友!! 唔知係無知定係愛﹐呢個patient明知E個男人有AIDS都要為佢生BB~雖然HIV test顯示媽媽係negative﹐不過世事有好多野都係難預料﹐而BB亦要成為呢個悲劇裡面其中一個主角!! 希望BB唔會感染到!!
我見個爸爸唔似D爛滾友﹐不過就好似道友﹐極有可能係drug abuse導致感染AIDS!!
- Aug 13 Thu 2009 07:50
十四歲的媽媽真人版
好耐之前睇左一套日劇"十四歲的媽媽"﹐現實生活中﹐響香港一個 十四歲o既大肚妹真係未必令人接受到!不過響美國﹐一個開放社會﹐十四歲的媽媽就比較常見!! 今日臨放工就接左一個十四歲的黑人媽媽準備要開刀!一路幫佢準備開刀﹐一邊就聽到佢滿口粗言﹐FxxK 來 FxxK 去,陪佢入去手術室o既女性朋友亦係好似十三點o甘﹐仲未大透! 自己心智都未成熟以後又點教個女呢?
其實有仔趁嫩生係o岩﹐不過太早生育對BB同媽咪都係一件唔好o既事! 試問自己都仲發緊育﹐邊夠營養比BB呢?所以年輕媽媽生早產B同細粒B o既機會係比較高﹐其次亦容易患上妊娠毒血症(高血壓)﹐產後出血o既情況!而家d小朋友越黎越早熟﹐爸爸媽媽應該早d灌輸性教育﹐唔係好容易四十未出頭 就做公公婆婆!!
- Aug 12 Wed 2009 07:48
我的第一個日本B
自從過檔到而家做野呢間醫院後我都再無接過Asian BB啦!平時接o既多數都係黑B同墨B!今日居然有日本patient黎我地度生! o甘o岩又係我take care~
呢個Mama真係好勇敢﹐全程只係打左2次止痛針﹐同日劇裡面o既生仔場面差唔多﹐出哂汗﹐額頭會有條濕毛巾仔o個D!到BB出世o既一刻﹐當Mama見到B女時係o甘講"Kawaii 哩"!! BB真係一個日本樣﹐一睇就知係日本B!
- Jul 28 Tue 2009 03:05
產科生涯
好快就已經踏入我護士生涯o既第三年啦!!由咩都唔識﹐到而家都算係有少少經驗﹐當中經過唔少辛酸﹐不過點辛苦都無讀書時候o甘辛苦!所以我老公唔駛再幫我抹眼淚!
好多朋友問我見到o甘多生仔o既恐佈野﹐會唔會唔敢生?其實都唔會﹐生仔無睇戲裡面o個D o甘血惺!只不過係一次過流M十倍左右!哈哈~ 會唔會睇到麻木左?都唔會既﹐BB出世o個一刻係動人o既﹐係一件人生大事!我能夠參加o甘人o既人生大事真係好難得!不過當然無o岩o岩入行時o甘會睇 到想喊﹐而家偶爾遇到感動o既case﹐個鼻都會酸一酸!!通常都係比個媽咪或者係爸爸o個種發自內心o既喜悅感動到! 難怪有生仔經驗o既人都話BB出世o個日係佢地成世人最開心o既日子!而每次我完成任務後同佢地講聲"恭喜"﹐佢地都會好真誠o甘多謝我!!呢個係令你窩 心o既~
環遊世界 (16)
