最近忙於做功課碌屎準備兩個月後o既大阪之旅﹐加上春臨大地﹐人又懶懶地~嘻!!懶左update~
上次去箱根o既溫泉體驗至今仍然難忘﹐所以今次去大阪都打算去浸一浸﹐鬆一鬆!經過我連日黎做功課後﹐最終勝出o既 就係呢間--->千鳥の湯海舟!!! 呢間溫泉宿館位於和歌山縣白濱﹐由大阪出發大約兩個幾鐘車程﹐比起較有名o既有馬溫泉遠少少﹐而且價錢比有馬平!!我地貪佢夠辟﹐少d人去﹐而且每間房都 對住個海﹐又有私人風呂﹐齋睇相就已經夠哂relax啦!!如果三月前去﹐仲有好多優惠package tim!!
新居入伙，試住中~
- Feb 08 Mon 2010 06:41
大阪溫泉篇: 南紀白浜 浜千鳥の湯海舟
- Feb 04 Thu 2010 06:43
開刀王
我以前做開o個間醫院已經有遇過開刀王!!開刀王係一d好缺德o既醫生﹐佢地係又開唔係又開刀﹐因為開刀快靚正又唔駛等產婦pushing﹐開一個刀一個鐘攪掂﹐袋袋平安!!
而家做開呢間醫院絕少開刀王﹐因為大家都比較專業﹐太亂黎會比同行指指點點!而我今次遇到o既開刀王又係一名中國藉 醫生!!!真係shame on佢地﹐影衰哂我地中國人!!呢名黑醫o既開刀比率高達95%!!!佢黎o甘多次接仔﹐我只係接過佢一次順產!!佢真係變態架!!!一味同d產婦講你個 B太大啦﹐你生唔出架!!再唔係血壓高dd又話要開﹐人地作動未夠幾個鐘又話要開!!總之搵著佢就開硬肚!!佢自己本身又係律師出身所以好識保護自己﹐做 埋o甘多缺德o既行為都好少比人告!!真係天無眼﹐o甘無良o既人都可以做到醫生!!!
- Feb 01 Mon 2010 05:35
向大阪出發
話o甘快已經二月﹐終於過左我覺得最漫長o既一月!唔知點解﹐呢個一月真係過得超級慢﹐唸返倒數party﹐好似上世紀o既事o甘!
二月啦!!係時候plan 下啦!! Plan下今年o既大旅行啦!!本來係唸住去希腊﹐去睇下白色小島或者去德國食下大香腸﹐不過臨時有變﹐最後我地都係決定 去.............................唔好cher我呀...................日本!!!!嘻嘻~不過今次唔去 東京啦(絕對唔係去厭左!!)﹐想下新o既地方!!
- Jan 26 Tue 2010 05:27
推介日食第一回
近排以陽光見稱o既悶蛋國進入雨季﹐連續落左一個星期狗屎﹐攪到個人心情唔多好!!菲菲亦因為呢個好眠天氣日o訓夜o訓!!今日仲牙肉紅腫﹐打左兩日邊爐je﹐駛唔駛o甘熱氣呀!!好掛住東京美食!!好恨.........口水直流!!
- Jan 22 Fri 2010 05:23
子癇前症 (Pre-eclampsia)
子癇前症係一種常見o既產科病﹐特別響我而家做緊o既呢間醫院﹐因為產婦o既population都係d比較基層人士﹐佢地o既prenatal care 比較差又或者有drug abuse o既習慣﹐所以都屬high risk population!
子癇前症通常出現響20週之後﹐媽咪o既會出現高血壓﹐頭痛﹐嚴重水腫﹐胃痛不適﹐有時仲會視線變得矇茶茶﹐最重要係媽咪o既尿液裡面會驗出有尿蛋白!當準媽媽發現自己有以上o既徵狀﹐又發覺自己o既體重突然間急劇上升(正常黎講呢個時候應該一個禮拜重一磅)
- Jan 20 Wed 2010 05:22
BB潮@下雨天
一連幾日落狗屎﹐除左令我每日提心吊膽好驚自己間木屋仔會穿窿之外﹐亦為我醫院帶來無限o既生意額!! 月圓同下雨天﹐B仔B女就好似等唔切o甘一個又一個o甘"捐"出黎!!
大爆"支力"!!!!!!!!!!!!!!!!!!!!!!!!!!! 
由 朝早7點一直忙到放工夜晚7點半﹐兩點先Lunch﹐接完新症又生﹐生完順產又開刀﹐做到我又d氣餒!! 遇上超懶o既同事成日叫極唔郁﹐又比D惡o既同事點你去做東做西﹐再比個黑媽大大力捉到你隻手留下紅痕之後﹐有一刻我同自己講"此地不易久留了"!! 聽聞遲d幾個長註醫院o既醫生會開多幾間Clinics﹐即係話我地將會再多好多客仔!!!大事不妙了!!
- Jan 16 Sat 2010 05:19
呀菲正傳
由細到大我屋企除左媽咪之外都係狗痴﹐超級鍾意狗呢種動物!!成日都想擁有一隻狗仔﹐可惜媽咪話養我地都未養得掂仲養 狗!!(大大大盆冷水)就係o甘我地o既童年就活響一個無狗o既年代! 到大個我去到悶蛋國讀書﹐有一次回港放假一返到屋企一大開門"叮叮叮叮" 一隻笨笨o既菲菲跑到我面前!!嘩!!!點解會有隻狗仔o既?
原來菲菲係舅父響大陸買o既一隻便宜狗(我唸唔駛三百蚊)﹐媽咪話菲菲一見到佢就走埋佢度o訓著左﹐好得意﹐於是就帶佢坐姨丈間benz偷渡落香港啦!!(偷渡都坐benz幾勁呀!!)當時佢只得一兩個月大好細仔﹐可以放落儲物格﹐於是成功屈蛇!!
- Jan 13 Wed 2010 05:12
蠔比你!
三年前o既Vegas同而家o既都唔大改變﹐只係仍然不斷地建新o既酒店!同澳門真係大同小o既分別!呢次陪太子公幹我都無點shopping﹐因為傷風未好﹐唔太舒服﹐都係留守酒店做左幾日電車女!
- Jan 11 Mon 2010 04:03
2010 最新狗"咩帶"!!
- Jan 10 Sun 2010 04:01
B哥B姐~可唔以等我準備一下先出黎!?
悶蛋國o既墨藉媽咪除左好生養之餘(起碼3胎)﹐仲超易生!經常性地入院唔夠一陣就"beep"左個B出黎﹐或者無啦啦陣痛時作嘔﹐一嘔連個B都嘔埋出黎!
環遊世界 (16)
